SHKALLËT PËR NË PARAJSË SHKALLËT PËR NË PARAJSË

Led Zeppelin ia ka dalë mbanë me çështjen e gjatë për të drejtat e autorit për këngën “Stairway to Heaven”. Gjykata Supreme e ShBA-së nuk ka pranuar ta merret me çështjen e ngritur kundër tyre nga Randy Wolfe, lider i grupit amerikan Spirit, transmeton Telegrafi.

Është thënë se Led Zeppelin i ka marrë akordet hyrëse për këngën “Stairway to Heaven”, nga kënga “Taurus” e grupit Spirit, pasi Led Zeppelin e dëgjoi këngën teksa ekzekutuan bashkë në Birmingem më 1970. Kitaristi Jimmy Page kundërshtoi duke thënë se sekuenca e akordeve ka “ekzistuar përgjithmonë” dhe se nuk e kishte dëgjuar kurrë më parë këngën “Taurus”.

Pas një gjyqi gjashtëditor më 2016, Led Zeppelin u lirua nga akuza e plagjiaturës. Juria refuzoi pretendimin se Page dhe këngëtari Robert Plant ishin të njohur për këngën dhe se këngët “nuk ishin thelbësisht të ngjashme”.

Ky vendim u rrëzua më 2018, pasi gjyqtari në çështjen e parë bëri gabim duke pretenduar se “skalat kromatike zbritëse, arpegjot ose sekuencat e shkurtra të tri notave ” nuk ishin të mbrojtura nga e drejta e autorit. Gjithashtu u konsiderua si gabim që jurisë nuk ia lëshuan këngën “Taurus” në gjykatë. Çështja u kthye në mars të këtij viti kur një Gjykatë e Apelit në ShBA e riktheu vendimin e vitit 2016. E vetmja shpresë për Wolfe-n mbeti Gjykata Supreme amerikane, që e refuzoi çështjen.

Page dhe Plant nuk kanë komentuar vendimin. /Telegrafi/