17 vjeçari Shkëlqim Pllana më 11 dhjetor të këtij viti gjeti vdekjen pasi që u godit me thikë nga një mbashkëmoshatar i tij.
Vdekja e Shkëlqimit,djalë hasreti nuk është i vetmi që gjatë këtij viti hyri në statistikat e vrasjeve në Kosovë.
Sipas Policisë së Kosovës që nga janari e deri më tani janë 24 rasteve të vrasjeve.
Sipas zëdhënësit të Policisë së Kosovës Baki Kelani nga ky numër i vrasjeve katër prej tyre janë femra
“Në sistemin e bazave të të dhënave të Policisë së Kosovës numri i rasteve të vrasjeve, duke përfshi edhe numrin e vrasjeve të rënda siç njihen në kodin penal gjatë kësaj periudhe kohore nga janari deri në nëntor të këtij viti janë evidentuar gjithsej 24 raste të vrasjeve të raportuara në Polici. Kryesisht gjinia e personave të vrarë apo të përfshirë në rastet e vrasjeve janë gjinia mashkullore në numër paksa më të madh, mirëpo mund të them që diku në katër raste prej këtyre janë përfshirë edhe rastet e gjinisë femërore”, tha ai.
Nga të gjitha këto vrasje Policia e Kosovës ka arritur të zgjidh 18 raste, ndërsa 6 janë ende nën hetime.
“Referuar statistikave krahasuese dhe analizave të Policisë së Kosovës, nëse i referohemi nga viti 2008 e deri më tani mund të themi se kryesisht Policia e Kosovës ka treguar një rezultat jashtëzakonisht të lartë në zbulimin e rasteve të vrasjeve dhe zbulueshmëria kryesisht e këtyre rasteve është mbi 75 përqind. Kjo tregon që Policia e Kosovës në të gjitha rastet ka ndërmarrë veprime konkrete për të hetuar dhe për të zbuluar rastet dhe tregon se është një rezultat mjaft pozitiv në zbulimin e mbi 75 përqind të rasteve. Por, vazhdon ende të trajtoj dhe hetoj edhe përqindjen tjetër të mbetur të rasteve të cilat janë në hetim e sipër”, theksoi ai.
Sipas statistikave të Ministrisë së Punëve të Brendshme rreth 260 mijë armë ilegale janë në duart e qytetarëve të Kosovës, ndërkaq Policia nga janari deri në nëntor të këtij viti ka konfiskuar 1 mijë e 50 armë të kalibrave apo llojeve të ndryshme.
I riu Shkëlqim Pllana sipas Policisë së Kosovës është goditur me thikë për vdekje nga shoku i tij 18 vjeçar, e një rast i ngjashëm ka qenë edhe më herët gjatë këtij viti, ku Aulon Zeka 16 vjeçar ishte gjetur i vrarë. Në lidhje me këtë rast tre të rinj po akuzohen nga Prokuroria për vrasje të rëndë.
Fenomeni i vrasjeve në Kosovë mbetet shqetësues për sociologët. Ragip Fetahu thotë se janë disa arsye që një i ri kryen një vrasje të rëndë.
Sipas tij në të shumtën e rasteve janë thashethemet, keqkuptimet dhe paragjykimet.
“Ky është një fenomen mjaft shqetësues i cili ka filluar të merr përmasa të mëdha sidomos tek të rinjtë, tek adoleshentët të cilët nuk arrijnë të perceptojnë rëndësinë e jetës dhe për çështje më të thjeshta ata kryejnë edhe aktin e rëndë të vrasjes. Mendoj se kjo është e parandalueshme dhe në këtë rast edhe institucionet duhet të luajnë rolin e tyre kyç të marrin fushata sensibilizuese për të rinjtë se si t’i zgjidhin problemet e tyre të çastit”, tha Fetahu.
Bazuar në statistikat e Policisë së Kosovës, numri i vrasjeve në Kosovë ka shkuar duke rënë, pasi që vetëm një vit me parë në Kosovë kanë ndodhur 26 raste të vrasjeve, në vitin 2015 kanë qenë 27 vrasje, në vitin 2014 kanë qenë 37 vrasje dhe në vitin 2013 kanë qenë 44 raste të vrasjeve.
Promo
Reklamo këtuLufta Prigozhin - Putin
Më shumëNjë milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe