Pengoni ftohjen dhe gripin: Dezinfektimi i duarve më së miri zvogëlon bartjen e virusit te fëmijët

Duart e pastra janë gjysma e shëndetit!

Dezinfektimi i duarve është më i mirë se larja me sapun, ka treguar hulumtimi i bërë në qytetin Almeira të Spanjës.

Në hulumtim kanë marrë pjesë 911 fëmijë deri në 3 vjeç të cilët rregullisht kanë qëndruar në kopshte, transmeton Telegrafi.

Me qëllim të hulumtimit janë formuar tri grupe. Grupi i parë ka përdorur mjetet dezinfektuese, i dyti sapunin dhe ujin, ndërsa i treti ka pasur mundësi të ndjekë rutinën e vet të zakonshme të larjes së duarve.

Në periudhën prej nëntë muajve, 911 fëmijë kanë pasur 5.211 infeksione respiratore, me ç’rast 5.186 ditë kanë munguar nga kopshti.

Grupi i parë, i cili ka përdorur mjete dezinfektuese ka munguar 3,25 për qind, grupi i cili ka përdorur sapunin dhe ujin, 3,9 për qind, ndërsa grupi i tretë 4,2 për qind.

Përdorimi i sapunit dhe i ujit për larje të duarve shton rrezikun nga ftohja për 21 për qind dhe 31 për qind më shumë probabilitet që do të detyroheni të përdorni antibiotikë.

– Mendoj që gjëja kryesore në këtë hulumtim është fokusi në fëmijët e vegjël në kopshte. Kjo tregon konstatimin që është e mundur të zvogëlohen ftohjet dhe viruset te fëmijët, nëse përdoren mjete dezinfektuese, thotë doktori Don Goldman. /Telegrafi/