Nënpresidenti amerikan, Mike Pence kritikoi ashpër aleatët evropianë të shtunën, për qëndrimin e tyre ndaj Iranit dhe Venezuelës, në një fjalim në Konferencën e Sigurisë në Mynih të Gjermanisë.
“Ka ardhur koha që partnerët tanë evropianë të ndalojnë së sabotuari sanksionet amerikane ndaj këtij regjimi vrasës, revolucionar. Partnerët tanë evropianë duhet të tërhiqen nga marrëveshja bërthamore me Iranin”, u tha Pence pjesëmarrësve.
Ai u bëri gjithashtu thirrje aleatëve që të njohin udhëheqësin e opozitës venezueliane, Juan Guaido si presidentin legjitim të atij vendi. Mbi 20 vende evropiane e kanë bërë një gjë të tillë, por Bashkimi Evropian nuk e ka njohur plotësisht Guaidonë si president. Presidenti Nicholas Maduro, të cilin Shtetet e Bashkuara nuk e njohin, akuzohet se ka manipuluar rezultatin e zgjedhjeve të vitit të kaluar në favor të tij, ndërsa Venezuela është zhytur në varfëri dhe hiperinflacion.
“Bota e Vjetër ka edhe një herë rastin të mbajë një poicion të vendosur në mbështetje të lirisë në Botën e Re. Sot i bëjmë thirrje Bashkimit Evropian që të ngrejë zërin për lirinë dhe të njohë Juan Guaidonë sit ë vetmin president legjitim të Venezuelës”, tha ai.
Kina u përmend disa herë nga nënpresidenti si kërcënim ndaj Shteteve të Bashkuara dhe aleatëve të saj.
“Shtetet e Bashkuara ua kanë bërë gjithashtu të qartë partnerëve të sigurisë, kërcënimin që paraqesin Huawei dhe kompani të tjera kineze të telekomunikacionit, pasi ligji kinez u kërkon që t’i lejojnë aparatit të gjerë të sigurisë së Pekinit, qasje ndaj çdo të dhëne që prek rrjetin apo paisjet e tyre”, tha Pence.
Ai përsëriti gjithashtu thirrjet e Uashingtonit ndaj aleatëve evropianë të NATO-s që të bëjnë më shumë përpjekje për të plotësuar detyrimet për shpenzimet e tyre ushtarake dhe paralajmëroi kundër zhvillimit të lidhjeve ekonomike me Moskën, si Gazsjellësi Verior 2, që është nën ndërtim e sipër mes Rusisë dhe Gjermanisë.
“Ne nuk mund të garantojmë mbrojtjen e Perëndimit nëse aleatët tanë rrisin varësinë nga Lindja”, tha ai.
Ministri i Jashtëm rus, Sergey Lavrov mori fjalën më pas dhe tha se Evropa po humb nga qëndrimi që po mban ndaj Rusisë.
“Në një kohë kur evropianët i lejuan vetes të hyjnë në një krizë të pakuptimtë me Rusinë dhe pësuan humbje miliarda dollarëshe nga sanksionet e imponuara nga ana tjetër e oqeanit, bota po ndryshon me shpejtësi. Në fakt Bashkimi Evropian e ka humbur monopolin në programin e integrimit rajonal”, tha Lavrov.
Kancelarja gjermane Angela Merkel kritikoi ashpër pretendimen e Presidentit amerikan, Donald Trump se Evropa po përfitonte nga Amerika në tregti.
Konferenca e Sigurisë e Mynihut, shihet si një forum me peshë i përvitshëm për udhëheqësit botërore që të diskutojnë për shqetësimet e sigurisë globale dhe konfliktet, në takime publike dhe me dyer të mbyllura.
Analistja Florence Gaub e Institutit të Bashkimit Evropian për Studime Sigurie tha së këtë vit është një atmosferë e pasigurt.
“Ka shumë shqetësim se rendi i vjetër, kur gjithçka ishte ose të paktën dukej më e parashikueshme, ka marrë fund. Prandaj ky realitet po zë vend dalëngadalë”, tha ajo.
Toni i fjalimeve në konferencë, lë të kuptohet se edhe mes aleatëve, tensionet për rendin botëror në ndryshim e sipër, janë shumë larg zbutjes. /VOA/Telegrafi/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
SHBA-ja përgjon aeroplanët rusë
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
DASH i zhgënjyer me propozimet për qeverinë e re të Serbisë, Vuçiq thotë se atë "e zgjedhin qytetarët"
Borrell e uroi qeverinë e re serbe, eurodeputeti gjerman nuk përmbahet: Si mund ta bëjë një budallallëk të tillë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City