Pele: Messi ka vetëm një aftësi, nuk mund të krahasohet me mua dhe Maradonan

Legjenda braziliane, Pele, ka thumbuar yllin argjentinas të Barcelonës, Lionel Messin, duke thënë se ai ka vetëm një aftësi dhe nuk bënë të krahasohet me lojtarë të ‘kompletuar’ si ai dhe Diego Maradona.

Braziliani i cili shënoi më shumë se 1000 gola në karrierën e tij dhe fitoi Kupën e Botës në tri raste ka folur gjerë e gjatë në një intervistë për mediumin Folha de Sao Paulo.  

Gjatë intervistës së tij, Pele ka thënë se nuk bënë të krahasohet ai dhe Pele me Messin, pasi këtë të dy sipas tij ishin më të kompletuar se ylli i Barcelonës.

Lexo po ashtu Malcom: Messi nuk është nga kjo botë

“Si mund të bëni një krahasim mes një djaloshi i cili udhëheq mirë topin, gjuan me të majtën, gjuan me të djathtën dhe një tjetër që gjuan vetëm me një këmbë, ka vetëm një aftësi dhe nuk e udhëheq mirë topin?”, ka thënë fillimisht Pele.

“Si mund ta krahasoni? Për t’u krahasuar me Pele, duhet të jetë dikush që gjuan mirë me të majtën, gjuan mirë me të djathtën dhe shënon me kokë”.

“Sa më përket mua, Maradona ishte një nga lojtarët më të mirë ndonjëherë. Nëse më pyet mua: A ishte ai më i mirë se Messi? Po, ai ishte shumë më i mirë”.

“[Franz] Beckenbauer, [Johan] Cruyff ishin gjithashtu lojtarë të shkëlqyeshëm”.

Pele edhe pse nuk është tifoz i madh i Messit, nuk ka dyshim për arritjet e tij që nga shpërthimi në skenën e Barcelonës.

Messi ka shënuar plot 567 gola për klubin në 653 paraqitje, teksa ka tundur edhe 65 herë rrjetën në 128 paraqitje me Argjentinën.

Argjentinasi gjithashtu ka fituar pesë herë Topin e Artë, nëntë herë titullin në La Liga, katër Liga të Kampionëve dhe tre botërore për klube. /Telegrafi/