Pastrimi me jogë i hundës dhe i sinuseve. Vetëm për më të guximshmit!

Ekziston një teknikë aq efektive sa mund të zgjidhë shumë probleme të veshit, fytit dhe hundës në vetëm pak ditë

Metodat e jogës, të quajtura Jala Neti dhe Sutra Neti, thjesht mundësojnë pastrim të hundës dhe sinuseve. Zbuloni se si!

Jala neti është një teknikë e lashtë e pastrimit të hundës me ndihmën e ujit të kripur. Kjo metodë është praktikuar në joga për mijëra vjet për shkak të përfitimeve të saj për shëndetin shpirtëror dhe fizik.

Ka një efekt të dobishëm në shëndetin e hundës, fytit, mushkërive, syve, veshëve dhe përmirëson aktivitetin mendor dhe shpirtëror, transmeton Telegrafi.

Si funksionon Jala neti:

▪ pastron hundën nga bakteret dhe mukozën e tepërt
▪ pastron kanalet e sinusit
▪ stimulon mekanizmin mbrojtës natyral të trupit kundër inflamacioneve dhe infeksioneve të sinuseve, fytit dhe hundës
▪ stimulon trurin
▪ ndihmon me migrenën, epilepsinë dhe depresionin
▪ ndihmon me infeksionet dhe bllokimet e veshëve dhe tringëllimë në veshët
▪ përmirëson përqendrimin dhe qartësinë e mendjes
▪ ndihmon për të lënë duhanin

Teknika:

Për të kryer teknikën Jala Neti do t’ju duhet një enë e veçantë për ujë, e cila duket si llamba e Aladinit (shih foton).

Një enë e tillë quhet Neti lota dhe mund ta blini në qendrat e jogës.

▪ Mbushni enën me ujë të vakët dhe shtoni kripë. Përziejini mirë. Uji nuk duhet të jetë shumë i ftohtë dhe as shumë i nxehtë. Përqindja e kripës është 1 lugë çaji për gjysmë litër ujë, është më mirë të përdorni kripë deti.

▪ Përkuluni mbi lavaman. Fusni zgjatimin e enës në vrimën e majtë të hundës dhe ngadalë anoni kokën në anën e djathtë.

▪ Mbajeni gojën hapur dhe merrni frymë ngadalë përmes saj. Uji duhet të fillojë të hyjë në hundën e majtë dhe të dalë nga e djathta.

▪ Lëreni ujin të rrjedhë lirshëm për rreth 20 sekonda. Hiqeni enën larg dhe pastroni hundën me një frymëmarrje të fortë.

Përsëriteni të njëjtën procedurë me vrimën e djathtë të hundës.

▪ Teknikën Jala Neti mund ta bëni çdo mëngjes.

/Telegrafi/