Pasi zbulohet misioni i saj, Elsa Lila mbyll zyrtarisht rrugëtimin në Ferma VIP

Këngëtarja e njohur Elsa Lila ndërpreu zyrtarisht rrugëtimin e saj në reality show-n “Ferma VIP”, pas një periudhe të veçantë dhe intriguese brenda fermës.

Elsa nuk ishte thjesht një konkurrente e zakonshme, por përkundrazi, mbajti një rol të fshehtë si person i infiltruar nga vetë Agai.

Qëllimi i saj ishte të sjellë tension dhe të prishë qetësinë e pjesëtarëve të tjerë të shtëpisë, duke iu shtuar ashtu reality show-it një element surprizë dhe strategjie të re.

View this post on Instagram

A post shared by Ferma VIP Albania (@fermavip.al)

Zbulimi i rolit të saj u bë i njohur për të gjithë fermerët përmes një klipi të shfaqur nga prezantuesja Fjoralba Ponari. “Elsa ka qenë e infiltruara e Agait. Ajo ka pasur një mision që në ditën e parë që ka hyrë në fermë”, tha Ponari, duke lënë të gjithë pjesëmarrësit në habi dhe ndjenja të përzier.

Largimi i Elsës erdhi si një zhgënjim për shumë nga konkurrentët, veçanërisht për Renisin dhe Çiljetën, të cilët ishin bërë miq të ngushtë me të gjatë periudhës së saj në fermë.

Shprehjet e trishtimit dhe emocioneve ishin të dukshme në fytyrat e pjesëmarrësve, të cilët nuk arritën të mbajnë lotët për shokën e tyre që iu largua nga konkursi i mbijetesës dhe aventurës në fermë. /Telegrafi/