Klubi basketbollistik Trepça ka njoftuar se ua ka vazhduar kontratat disa prej basketbollistëve që i ka pasur në radhët e veta edhe në edicionin e kaluar.

Në një njoftim të publikuar në rrjetet sociale bëhet e ditur se kontrata iu janë vazhduar basketbollistëve Besnik Azemi, Imer Tahiri, Valdrin Haxhiu e Agon Selmani.

Njëherësh, bëhet e ditur se skuadrën do ta dreetojë trajneri Ilir Selmani duke u asistuar nga Gazmend Asllani.

“Zyrtare: Me pëlqimin e tyre, KB Trepça vazhdon edhe me Besnik Azemin, Imer Tahirin, Valdrin Haxhiun, Agon Selmanin dhe të tjerët”.

“Skuadrës do t’i prijë trajneri Ilir Selmani me ndihmësin Gazmend Asllani”, thuhet në njoftimin e klubit.

Reklama
Lajmet për Trepçën Lajmet për Trepçën

Ditë më parë, Trepça e transferoi basketbollistin amerikan Dwane Miner.

Sezonin e ri në Superligën e Kosovës në basketboll, Trepça do ta nisë me një përballje kundër Prishtinës. /Telegrafi/

Reklama