Pasi grinden për mbeturinat e hedhura në rrugë, babë e bir qëllojnë për vdekje fqinjin e tyre në Teksas – e fejuara e viktimës filmon gjithçka (Video, +18)

Një burrë nga Teksasi pas një grindje që e kishte pasur me fqinjin për shkak të mbeturinave të hedhura në rrugë, e kishte qëlluar për vdekje dhe atë para syve të fejuarës së tij e cila kishte filmuar gjithë ngjarjen e tmerrshme.

Vrasja ka ndodhur më 1 shtator, pasi që Aaron Howard filloi sulmin verbal me fqinjin John Miller dhe të birin e tij Michaer, dhe e gjitha ndodhi për shkak të disa mbeturinave që ishin hedhur në rrugë prapa shtëpisë së tyre, transmeton Telegrafi.

Cara Books, e fejuara e Howardit ka filmuar grindjen që përfundoi me fatalitet, por që disa ditë më vonë vendosi t’ia dorëzojë mediave lokale me qëllim që të zbulohet e vërteta.

Edhe pse në disa sekuenca nuk dëgjohet zëri për shkak së vazhdimisht shahen mes vete, megjithatë Miller dhe Howard dëgjohen duke kërcënuar njëri-tjetrin.

Në një moment John Miller që kishte veshur pantallona të shkurtra, paralajmëron Howardin që kishte veshur këmishë ngjyrë portokalli, se do ta vret nëse i afrohet më shumë.

Miller kishte revole në dorë, kurse i biri i tij pushkë. Ndërkaq policia ka njoftuar se Howard kishte pasur në dorë shkop bejsbolli, por që nuk shihet në videon e publikuar.

“E dëgjon, thotë se do të më vret”, dëgjohet Howard duke e pyetur të fejuarën e cila filmonte gjithçka.

Howard i frustruar i drejtohet me ton të lartë Millerit të cilit i kërkon ta ulë revolen dhe të kthehet në shtëpi. Por, Miller ishte kategorik të qëndrojë pranë tij, kurse frustrimi i Howardit vetëm sa rritej dhe kështu fillon t’i bërtet Milleri, “e ke nxjerr revolen në prezencë të fëmijëve tanë”.

Por, Miller ia citon ligjin “mbroje territorin tënd” që i lejon banorët të përdorin “forcë vdekjeprurëse në raste të vetëmbrojtjes nëse dikush i sulmon në pronën e tyre private”. Kështu e shfrytëzoi këtë argument duke ia bërë me dije se do të përdor forcë. Megjithatë, këtë argument e hodhi poshtë gjykata pasi që rruga nuk konsiderohet pronë private.

Disa sekonda para se të qëllojnë babë e bir, e fejuara e viktimës futet në mes duke ua bërë me dije se nuk do ta vrasin partnerin e saj. Megjithatë, dëgjohen të shtënat dhe telefoni me të cilin po filmonte lëviz dhe nuk kapen mirë sekuencat e kobshme.

Me të mbërritur në vendin e ngjarjes policia, Howardin e dërgojnë me urgjencë në spital, ku disa minuta më vonë është shpallur i vdekur. /Telegrafi/