LAJMI I FUNDIT:

Pas fjalimit të tij, ministri i jashtëm rus largohet nga takimi i KS të OKB-së ku po diskutohej për Ukrainën

Pas fjalimit të tij, ministri i jashtëm rus largohet nga takimi i KS të OKB-së ku po diskutohej për Ukrainën

Ministri i Jashtëm rus Sergei Lavrov është larguar nga një takim i Këshillit të Sigurisë së OKB-së pas fjalimit të tij.

Sipas mediave të huaja, përcjell Telegrafi, ai filloi duke thënë: “Ka një përpjekje sot për të na imponuar një rrëfim krejtësisht tjetër, për agresionin rus si origjinën e gjithë tragjedisë”.

Ai vazhdoi duke folur për marrëdhëniet historike midis Ukrainës dhe Rusisë dhe e cilësoi Ukrainën si “totalitare”.

Lavrov ka shtuar se është “i shqetësuar për fatin e ushtarëve rusë të zënë rob nga Ukraina”.

Veç kësaj, ai ka theksuar se ai nuk ka “besim” në punën e Gjykatës Ndërkombëtare Penale.

Me takimin që po zhvillohet për të diskutuar situatën në Ukrainë, sekretari amerikan i shtetit Antony Blinken tha: “Ai (Putini) ka zgjedhur të mos zbusë tensionet, por t’i përshkallëzojë ato” dhe se “ai po i hedh benzinë zjarrit që ndezi”.

Ai shtoi se asnjë pretendim rus për aneksimin e territorit nuk mund të heqë të drejtën e Ukrainës për të mbrojtur tokën e saj.

Ndërsa ministrja e Jashtme e Francës, Catherine Colonna, tha se lufta është “shoqëruar nga mizori” dhe “krime të papërshkrueshme”.

Ndërkohë kryeministri i Norvegjisë, Jonas Gahr Store, tha: “Rusia zgjodhi të fillojë këtë luftë dhe Rusia duhet t’i japë fund”.

Veç këtyre, është deklaruar edhe ministri i Jashtëm i Meksikës, Marcelo Ebrard, i cili ka thënë: “Ata që kanë kryer krime në Ukrainë duhet të sillen para drejtësisë”.

E ministri i Jashtëm kinez, Wang Yi, tha se duhet të jetë “prioriteti kryesor” i OKB-së që palët të rifillojnë dialogun, “kështu që bisedimet mund të prodhojnë rezultate dhe të sjellin paqen”.

Ndërsa ministrja e Jashtme e Shqipërisë, Olta Xhaçka e quajti dhunën e Rusisë në Ukrainë “brutalitet të tmerrshëm kriminal kundër popullatës civile”. /Telegrafi/

Në trend Botë

Më shumë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Në Çeki zbulohet një rrjet propagande i financuar nga Rusia

Në Çeki zbulohet një rrjet propagande i financuar nga Rusia

Evropa
Kalo në kategori