Lideri i AKR-së, Behgjet Pacolli, sot ka mbajtur një takim me anëtarësinë e kësaj partie në Mitrovicë, prej të cilëve ka kërkuar që në fushatën për zgjedhjet e përgjithshme të prezantojnë derë më derë programin e AKR-së. Me këtë rast Pacolli bashkë me kryetarin e degës Agim Bahtiri, u kanë ndarë libreza të AKR-së 100 anëtarëve të rinj.

Pacolli ka thënë se Mitrovica, është një rast i mirë ku angazhimi qytetarë në projektin e AKR-së sjell ndryshime.

“Ju sot keni një udhëheqje komunale të sinqertë dhe të përkushtuar që po ju shërben me ndershmëri”, ka thënë Pacolli, raporton portali Veriu.info.
Presidenti i AKR-së tha se është koha e veprave e jo e fjalëve, dhe vendi duhet të zhvillohet që të ofrojë vlera.

Duke folur për ofertat e shumta të partive politike, ai tha se shumë prej tyre janë boshe, “Ekonomisë kosovare më shumë se kurrë i duhet të integrohet në trendët e globalizmit të ekonomisë, që po ndodh në gjithë botën e zhvilluar”, tha Pacolli.

Pacolli bashkë me kryetarin e degës Agim Bahtiri, u kanë ndarë libreza të AKR-së 100 anëtarëve të rinj.

Në këtë takim AKR-ja ka prezantuar listën e kandidatëve për deputetë në Kuvendin e Kosovës nga qyteti i Mitrovicës, ku do të garohet me shtatë kandidatë nga Mitrovica, të cilët janë: Bislim Imeri, Xhevrije Bahtiri, Iset Beka, Sami Zeka, Adem Zhitopotoku, Nusret Qubreli dhe Sami Bilalli. Ndërsa nga Mitrovica e veriut. /Telegrafi/