Kryesuesi i delegacionit kosovar për Kartonin e Gjelbër në Bruksel, Rrahim Pacolli ka kërkuar nga kryeministri i Kosovës, Isa Mustafa dhe kryeparlamentari, Kadri Veseli që me një vendim të Qeverisë të heqin pagesën për Policat Kufitare duke filluar nga 1 gushti i këtij viti.
Në kërkesën e tij publike, Pacolli ka shkruar se me heqjen e kësaj pagese do të rritet numri i bashkatdhetarëve, e rrjedhimisht edhe buxheti i vendit, transmeton KosovaPress.
Lexoni të plotë kërkesën e tij:
Kërkesë publike për Qeverinë e Kosovës, z.Isa Mustafa dhe Kryeparlamentarin Kadri Veseli, njëherit edhe kryetar i Partisë Demokratike të Kosovës.
Në cilësinë e Kryesuesit të delegacionit Kosovar për Kartonin e Gjelber në Bruksel dhe njëherit Drejtor i Përgjithshëm i kompanisë së sigurimeve “Siguria”, i bëj apel publik Qeverisë, Kryeministrit të Kosovës z. Mustafa, Kryeparlamentarit të Kosovës z. Veseli që me një Vendim të Qeverisë të heqin pagesën për Policat Kufitare duke filluar nga dt 01.08.2016 ashtu që Qeveria të marrë përsipër barrën e pagesës së dëmeve që shkaktohen nga këto vetura. Një vendim të tillë ua rikujtoj se e ka marrë Qeveria e Kosovës për qytetarët që jetojnë në Luginën e Preshevës.
Ju e dini se që nga paslufta, për 16 vite radhazi në hyrje të Kosovës është paguar për Policën Kufitare dhe kjo nuk ka sjellur ndonjë dobi për ne si shtet, përkundrazi ka krijuar pakënaqësi të mëdha te bashkatdhetarët.
Në qoftë se merret ky vendim për heqje të pagesës për Policë Kufitare, kjo do të ndikonte pozitivisht në përpjekjet tona për anëtarësim në Këshillin e Byrove dhe Kartonin e Gjelbër.
Heqja e pagesës për Policën Kufitare do të jetë një lehtësim shumë i madh për Diasporën tonë, të cilët konsiderohen si kontribuuesit më të mëdhenj të zhvillimit të shtetit të Kosovës, qoftë përmes investimeve të ndryshme, remitencave apo formave të ndryshme të mbushjes së buxhetit.
Në mesin e bashkatdhetarëve tanë ka shumë të rinj të cilët kanë lindur dhe janë rritur në shtetet perëndimore , të cilët po hezitojnë të vizitojnë Kosovën për shkak të ngarkesave dhe procedurave burokratike që në hyrje të saj. Interesi i bashkatdhetarëve për të ardhur në Kosovë çdo vit po zbehet shumë e më shumë, sepse një pjesë e tyre po zgjedhin destinacione tjera për të kryer pushimet , pikërisht për të shmangur këto procedura dhe humbje kohe duke pritur në kolona të gjata me orë të tëra dhe kjo nuk është në interesin tonë kombëtar.
Më lejoni të ju informoj se përfitimet e Qeverisë nga heqja e kësaj pagese do të jenë shumë më të mëdha në krahasim me humbjet. Me heqjen e pagesës së Policës Kufitare automatikisht do të rritet numri i bashkatdhetarëve që do të vijnë në Kosovë dhe në këtë mënyrë buxheti i Kosovës brenda kësaj periudhe do të rritet për rreth 100 milion Euro, nga të cilat përfituesi më i madh është buxheti i Kosovës i cili mbushet nga TVSH-ja dhe tatimet tjera nga këto shpenzime të tyre, ndërkohe që të gjitha dëmet brenda vitit nga bashkatdhetarët tanë nuk e kalojnë 1.5 milion euro.
Apeloj qe kjo kërkesë të shqyrtohet me seriozitetin më të madh dhe të merret Vendimi sa më parë”.
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Eksploro natyrën me veshjet e stilit taktik të Melodia Px
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Trajtimi i punëtorëve teknikë vazhdon të jetë shqetësues
Pasuria e guvernatorit të BQK-së, drejtorit ATK-së dhe drejtorit të Doganës
Evapify - Pasagjeri yt i përhershëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur