Legalizimi i ndërtimeve pa leje pritet të sjellë përfitime për qytetarët e Kosovës dhe se është i madh potenciali i humbur ekonomik nga pamundësia e shfrytëzimit të pronave të legalizuara.
Kështu u tha në Forumin Virtual për Legalizimin e Ndërtimeve pa Leje të organizuar nga Oda Ekonomike Amerikane në Kosovë.
Drejtori ekzekutiv i OEAK, Arian Zeka theksoi se procesi i legalizimit sjellë përfitime shumëdimensionale për qytetarët dhe sektorin privat, duke nisur nga shfrytëzimi i papenguar i të drejtave pronësore, por edhe vënia e këtyre pronave në funksion të zhvillimit ekonomik.
Zeka tha se është i madh potenciali i humbur ekonomik nga pamundësia e shfrytëzimit të ndërtimeve pa leje si hipotekë për qasje në financa por edhe për aktivitete afariste e investive.
Drejtori i Departamentit të Planifikimit Hapësinor, Ndërtimit dhe Banimit në Ministrinë e Ekonomisë dhe Ambientit, Servet Spahiu tha se në përgjithësi ekziston një rritje e interesimit të qytetarëve për legalizim.
Ai u shpreh se në Komunën e Prishtinës dhe Graçanicës janë finalizuar rreth 500 regjistrime në kadastër të ndërtimeve të legalizuara, të cilat bashkërisht arrijnë një vlerë të tregut deri në 96 milion euro.
Tutje, Spahiu foli mbi aplikacionin e Qeverisë së Kosovës për regjistrimin e lëndëve në proces të legalizimit, me ç’rast tha se i njëjti është një vegël shumë e rëndësishme që ua bën të mundshme komunave administrimin dhe përcjelljen më të lehtë të të gjithë hapave të trajtimit të një lënde.
Ai e potencoi bashkëpunimin e ngushtë me Agjencinë Kadastrale në këtë proces, si dhe i ftoi të gjitha komunat që ta zbatojnë programin e legalizimit përmes njoftimit të qytetarëve të tyre mbi procedurat, bashkëpunimin ndërsektorial brenda komunës, zbatimin e udhëzimeve të nxjerra nga Agjencia Kadastrale e Kosovës për regjistrimin në kadastër të ndërtimeve të legalizuara, dhe përdorimin e rregullt dhe të plotë të aplikacionit për regjistrimin e lëndëve në proces të legalizimit.
Ardian Olluri, udhëheqës i Task Forcës së Legalizimit dhe drejtor i Drejtorisë së Urbanizmit në Komunën e Prishtinës, duke folur mbi procesin e legalizimit në këtë komunë, si dhe mësimet e deritanishme nga i njëjti, tha se Komuna e Prishtinës ka krijuar një sektor të veçantë për legalizim, i cili përmes kapaciteteve të zgjeruara profesionale trajton kërkesat për legalizim të ndërtimeve.
Olluri shtoi se komuna në vazhdimësi u bën thirrje qytetarëve të shfrytëzojnë mundësinë për legalizim, derisa gjithashtu njoftoi se ky institucion ka një zyrë shërbyese e cila këshillon qytetarët përgjatë procesit të aplikimit. Sipas tij, aplikacioni për regjistrimin e lëndëve të legalizimit e ka ndihmuar shumë Komunën e Prishtinës për menaxhimin e lëndëve të legalizimit.
Avni Ahmeti, kryeshef ekzekutiv në Agjencinë Kadastrale të Kosovës, foli për rëndësinë e regjistrimit të ndërtimeve në Kadastër dhe përfitimet e qytetarëve nga ky proces, nga qartësia pronësore, mbrojtja juridike, bartja e sigurt e së drejtës pronësore përmes shitblerjes dhe trashëgimisë dhe së fundi mundësia për hipotekim.
Ahmeti tha se agjencia që ai drejton ka qenë promotere e legalizimit që nga fillimi, duke konsideruar këtë proces si një nga shtyllat kryesore për ngritjen e mirëqenies së qytetarëve të Kosovës.
Sipas tij, agjencia e ka avancuar sistemin e brendshëm dhe certifikatat pronësore të cilat tash, qytetarëve u lëshohen më të detajuara, ka thjeshtësuar procedurat e regjistrimit të hipotekës dhe ka hartuar një numër të udhëzimeve të cilat u ndihmojnë zyrave komunale kadastrale për të regjistruar sa më lehtë dhe sa më shumë ndërtime.
Ai ftoi të gjitha zyrat kadastrale, në të gjitha komunat, që të bashkëpunojnë ngushtë me drejtoritë e urbanizmit sepse ky bashkëpunim jo që është vetëm i dëshirueshëm por është parakusht për suksesin e procesit të legalizimit. /Telegrafi/
Promo
Reklamo këtuLufta Prigozhin - Putin
Më shumëFranca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Me çka e shijon bukën ma s'shumti edhe pse bash me sugjukun Meka?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City