OBRM-PDUKM thotë se me projektin ‘TVSH-ja ime’ më së shumti përfitojnë më të pasurit

Nëpërmjet një njoftimi të partisë opozitare maqedonase OBRM-PDUKM thuhet se ‘projekti ‘TVSH-ja ime’ është masë e huqur ku më së shumti shkon në favor të Zaevit dhe ata që janë të pasur”.

“Me këtë masë të varfrit dhe qytetarët e klasës së mesme më së shumti mund të marrin 156 denarë në muaj apo rreth 1.872 denarë në vjet, që është tepër larg nga 30.000 denarët e premtuara të Zoran Zavit dhe LSDM-së. Me këtë masë LSDM dhe Zaev i nënçmon qytetarët”, thuhet në njoftimin e OBRM-PDUKM-së, njofton Telegrafi Maqedoni.

Nga kjo parti shtojnë se nëse Zaev dhe LSDM kujdesen për firmat nuk do t’u merrnin haraç dhe se e vetmja gjë që i intereson LSDM-së është interesi personal i tyre.

“Zaev dhe LSDM secilën ditë e çojnë Maqedoninë në humnerë. Asnjë masë popullore e LSDM-së nuk do të arrijë ta shpërqendrojë opinionin prej problemeve reale siç janë krimi, haraçi, kërcënimet”, thuhet në njoftimin e OBRM-PDUKM-së duke shtuar se në zgjedhjet e ardhshme kuvendare Zaev do të ikë nga pushteti dhe Maqedonia më në fund do të përparojë./Telegrafi/

Lexo po ashtu Qytetarët e Maqedonisë përmes aplikacionit ‘TVSH-ja ime’ kanë kthyer 85 milionë denarë