OBRM-PDUKM kërkon dorëheqjen e kryeministrit Zaev

Nëpërmjet një njoftimit të partisë opozitare maqedonase përmendet porosia e politikanes Doris Pack që BE të reagojë për realitetin kriminal në Maqedoni.

Nga OBRM-PDUKM thonë se drejtori i Institutit Republikan Ndërkombëtar për Zërin e Amerikës në lidhje me aferën ‘Haraçi’ thotë se është shqetësuese ajo që ndodh dhe se hetimi duhet të vazhdojë, njofton Telegrafi Maqedoni.

“Më të shqetësuar janë qytetarët në Maqedoni të cilët frikësohet se çka do t’u ndodhë atyre, nëse biznesmenëve të njohur u është marrë haraç. Qytetarët janë të frikësuar për shkak se nuk ka drejtësi në Maqedoni”, thuhet në njoftimin e OBRM-PDUKM-së.

Ata shtojnë se gjyqësinë që e praktikojnë organet gjyqësore është dashur të vijë nga ideja për drejtësi, por në Maqedoni, sipas OBRM-PDUKM-së drejtësia u gjet në idetë e bandave kriminale dhe të haraçit nga pushteti.

“Është kapur i gjallë Zaev, si si është i përfshirë në kërcënimet e shumave milionëshe”, thonë nga OBRM-PDUKM duke shtuar se të gjithëve u është bërë e qartë se me këto njerëz në pushtet drejtësia është një fjalë boshe.

OBRM-PDUKM kërkon dorëheqjen e Zoran Zaevit dhe përgjegjësi penale./Telegrafi/