Gianluiggi Donnarumma do të vazhdoj të mbrojë portën e PSG-së, duke mos e pasur shqetësimin e Keylor Navas.

Portieri italian bëri një dalje të gabuar në Ligën e Kampionëve ku shënoi Juventus në fitoren e PSG-së 2-1.

Por trajneri i PSG-së, Christophe Galtier e ka bërë të qartë se nuk është nga ata lloj trajnerët se i pëlqen të ndërrojë portierët.

Francezi ka thënë se ka besim të plotë te Donnarumma i cili me disa pritje bëri që PSG ta ruajë epërsinë.

“Nuk do të ketë ndryshime në portë, nuk jam ai tip trajneri. Kemi prirjen të harrojmë se Donnarumma është i ri dhe vërtet gaboi në daljen te goli i Juventusit, por ishte autor i dy pritjeve fantastike, që më pas na shmangën nga barazimi i mundshëm i bardhezinjve”.

Reklama
Reklama

“Më duket sikur e kemi diskutuar edhe më parë temën e Donnarummas. Ai është numri një i skuadrës, ka fizikun e duhur, është i gjatë, teknik dhe nuk mund ta gjykoj nga një gabim apo nga studimi i keq i një trajektoreje”, deklaroi Galtier.

Galtier i dha besimin Donnarummas, për dallim nga Mauricio Pochettino që vitin e kaluar ndërronte shumë shpesh italianin me Keylor Navas. /Telegrafi/