Këngëtaret e njohura të estradës, motrat Nora dhe Era Istrefi këtë të premte do të performojnë në Tiranë.

Ato kanë bërë të ditur se fitimet e nxjerra nga ky koncert do të shkojnë në ndihmë të të prekurve nga tërmetet e fundit famëkeqe në Shqipëri.

Ka qenë motra e madhe, këngëtarja Nora Istrefi ajo e cila teksa ka publikuar posterin promovues të kopcertit, ka bërë me dije edhe dhurimin e këtyre donacioneve.

“Unë dhe Era Istrefi në bashkëpunim me Cinco Cavalli, të gjitha të ardhurat nga biletat do të shkojnë në ndihmë të të prekurve nga tërmeti”, ka shkruar Nora në Instagram.

Mesa duket, dy këngëtaret e estradës ashtu edhe si shumë kolegë të tyre kanë vendosur që me sado pak të kontribuojnë drejt atyre që janë në gjendje të vështirë pas tërmeteve të fundit.

Nora dhe Era përndryshe po përmbyllin një vit mjaft të suksesshëm me projekte të shumta muzikore e koncerte, ku gjithmonë janë pritur mirë nga publiku shqiptar. /Telegrafi/