Njëmbëdhjetë vite nga pjesëmarrja e saj në ‘Dancing with the Stars’, si ishin lënë jashtë finales çifti i shumë pëlqyer Agnesa Vuthaj dhe Simone?

“Dancing with the Stars” është kthyer në një prej spektakleve më të ndjekura të momentit në ekranet shqiptare.

Ndonëse është rikthyer si format pas shumë vitesh në Vizion Plus, ky spektakël është organizuar në Shqipëri qysh në vitin 2010.

Në edicionin e dytë të këtij spektakli, pjesëmarrëse ka qenë bukuroshja e njohur shqiptare, Agnesa Vuthaj, e cila bart titujt “Miss Peja, “Miss Kosova” dhe “Miss Shqipëria”.

Ajo kishte kërcyer krah balerinit të njohur italian, Simone Pigliaceli, me të cilin kishte arritur të kualifikohej deri në gjysmëfinale.

Në mbrëmjen gjysmëfinale, kishte qenë balerini i njohur profesinist Ilir Shaqiri ai i cili kishte dhënë verdiktin final se kush do të kualifikohej për në finalen e madhe.

Ai ia kishte dhënë këtë mundësi këngëtarit Shpat Kasapi dhe balerinës Isida Mollaymeri, të cilët ishin finalistët e tretë – ndonëse në gjysmëfinale kishin rezultuar të fundit me pikët e jurisë dhe publikut.

Mos-kualifikimi i Agnesës në finalen e këtij spektakli, mbahet mend si një nga padrejtësitë më famëkeqe të ndonjë konkursi në ekranet shqiptare.

Fitues i atij viti ishte shpallur artisti Enver Petrovci nga Kosova. /Telegrafi/