Një i vdekur dhe dy të lënduar rëndë pas rrëzimit të një aeroplani të vogël në New York

Një person ka gjetur vdekjen dhe dy të tjerë janë lënduar rëndë në një aksident të një aeroplani të vogël në Long Island të dielën pasdite, sipas Bordit Kombëtar të Sigurisë së Transportit.

Sipas mediave të huaja, përcjell Telegrafi, një aeroplan me një motor “Piper PA 28” u rrëzua rreth orës 15:00 ndërsa po i afrohej aeroportit Farmingdale, Nju Jork, thanë autoritetet.

Ai ishte nisur nga aeroporti i East Farmingdale me tre persona në bord, sipas Departamentit të Policisë së Qarkut Suffolk.

One person died and two were seriously injured in a small plane crash on Long Island on Sunday afternoon, according to the National Transportation Safety Board.

A single-engine Piper PA 28 crashed around 3 p.m. while approaching Republic Airport in Farmingdale, New York, pic.twitter.com/4LiixHZhnh

—  DOUG IS MY GOV  (@DougIsMyGov) March 5, 2023

Menjëherë pas ngritjes, piloti “lëshoi një sinjal dhe tregoi se kishte tym në kabinë”, citohet të ketë thënë policia e Suffolk.

Dhe sipas policisë, aeroplani u rrëzua pranë Rrugës 5 dhe North Wellwood Avenue në Lindenhurst.

Një person u shpall i vdekur në vendngjarje dhe dy nga pasagjerët u dërguan në spital për trajtim të lëndimeve të rënda, tha policia. /Telegrafi/