Një afat kalimtar për t’u harruar nga Barcelona: Sulmi i tyre nga emra si Messi dhe Griezmann, kalon tek Memphis dhe Luuk de Jong

Barcelona e ka kaluar afatin kalimtar më zhgënjyese në vite e fundit, për shkak të situatës së tmerrshme financiare të klubit, e cila i detyroi madje t’i largojë lojtarët kryesorë këtë verë.

Një vit pasi larguan Luis Suarezin për te Atletico Madridi, Blaugrana e kanë huazuar edhe Antoine Griezmann në këtë klub, ndërsa klubi ka nënshkruar me sulmuesi holandez Luuk de Jong – që po ashtu erdhi në huazim.

Në vetëm pak javë, Barcelona kaloi nga sulmi me Lionel Messin dhe Griezmannin në një sulm që do të drejtohet nga De Jong dhe Memphis Depay, si sulmuesit e tyre të parë.

Tre nënshkrimet kryesore të Barcelonës erdhën me kosto zero, pasi Memphis , Eric Garcia dhe Sergio Aguero u bashkuan falas, ndërsa Barcelona ishte thjesht vëzhguese, kur klubet si Manchester City, Chelsea, Paris Saint-Germain dhe Manchester United shpenzuan miliona euro për të forcuar ekipet e tyre.

Barcelona nuk kishte kapacitet financiar për të rinovuar kontratën e lojtarit më të mirë në botë, pavarësisht se presidenti Joan Laporta kaloi gjysmë vere duke i siguruar tifozët se bisedimet për rinovimin e Messit po shkonin mirë.

Ditën kur agjenti dhe babai i argjentinasit, Jorge Messi, do të nënshkruante zgjatjen e kontratës, Laporta e informoi atë se Barcelona nuk mund të përballonte shërbimet e kapitenit të tyre.

Mes lotësh, Messi i dha lamtumirën Barcelonës dhe iu bashkua Paris Saint-Germain.

Klubi kërkonte dhe largime të tjera, por Samuel Umtiti, Philippe Coutinho, Miralem Pjanic dhe Martin Braithwaite, nuk kishin oferta dhe mbetet në planet e Ronald Koeman edhe për këtë sezon, pavarësisht që disa nga ta nuk pëlqehen nga holandezi. /Telegrafi/