Poezi nga: Roald Dahl
Përktheu: Naum Prifti
Trimit të pashoq këngën ia thur sot,
Ky burr’ i dheut, m’i forti në botë,
Njëherë e një kohë ishte çilimi,
Pothuaj dyzet centimetra gjatësi.
E kam njohur që kur ish kërthi,
E ushqeja dhe e mbaja në pëqi,
E vija pastaj të ulej n’oturak,
Pa bërë çiçin aty nuk hidhte asnjë hap.
Ia laja palavitë mes gishtave përherë,
Thonjtë e vegjël ia prisja me gërshërë,
I krihja flokët, ia fshija hundën me kujdes,
Mbi peshore e hipja mëngjes për mëngjes.
Në ditët e lumtura të fëmijërisë qe harrakat,
Sikurse gjith’ djemtë e mirë pak i prapë.
Kur nuk bindej, ia ngjeshja një shuplakë,
Ama kur sillej mirë, e lavdëroja me hak.
Ç’kam hequr me të, unë e di.
Ma plasi shpirtin e shkretë në rini.
Kur vajti e u bë njëzet e tre vjet djalë,
S’dinte të lexonte e të shkruante një fjalë.
“Si do t’i vejë halli këtij?”pyesnin prindët e tij.
“Shtatin pyll e mendjen fyell,
Ku ka punë për këtë zymbyl?
Për gazep, veç gazetat do shpërndaëj nëpër qytet.”
“Aha,” thashë unë, “më duket se ky xhudan,
Ka ndërmend të bëhet politikan.”
“Dado, dado,” hovi djali me ngazëllim,
“Ke dhënë një super propozim!”
“Mirë,” thashë unë, “pa humbur kohë,
Artin e politikës do përvetësojë.
Të mësojë të flasë broçkulla pa doganë
sesi të fus shkopinj që ta hedhë quern matanë.
Si t’i fitojë votat e popullit me hilera,
Dhe plot e përplot marifete të tjera.
Le të sajojë nga një fjalim përditë,
Aq sa surrati në ekran do t’i ngjit’.
Dhe me gojë kurrë mos të pohojë,
Ato që në mendje do t’i mendojë.
Dhe kryesorja, si punë mësimi,
Mos lër krimbin dhëmbët t’ia haj
dhe gishtat palarë mos i mbaj”
Dhe tani që jam tetëdhjet’e nëntë vjet,
Për pendesa nuk kam fare nge.
Është faji im, ndaj ndihem pikë e vrer,
Që vajta e bëra President një derr.
Promo
Reklamo këtuLufta Prigozhin - Putin
Më shumëLidhja islamike, që u shndërrua në Lidhjen shqiptare
Donika Kastrioti, princesha e Arbërit
Kadare, pse ky polarizim?
KUMBULLA PËRTEJ MURIT
Parku Arkeologjik i Amantias, në interesin e turistëve të huaj
“Medea” si bazë e tragjedisë apo vetë pasoja e një gruaje
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë