Nicole Kidman zbulon pse nuk do të bënte kurrë një film me bashkëshortin e saj: Jeta jonë është tashmë një shfaqje

Nicole Kidman ka bashkëpunuar me shumë emra të shquar gjatë karrierës së saj, por së fundmi zbuloi pse nuk do të bënte kurrë një film me bashkëshortin e saj Keith Urban.

Gjatë premierës së sezonit të dytë të serialit “Nine Perfect Strangers”, ajo tha: “Ne jemi bashkë në jetën reale, nuk kemi nevojë të filmojmë së bashku. Jeta jonë është tashmë një shfaqje”.

Nicole dhe Keth u takuan në vitin 2005 dhe të dy u dashuruan me njëri-tjetrin, siç pretendojnë ata, me shikim të parë.

Megjithatë, Urbanit iu deshën katër muaj për ta telefonuar Nicole dhe në vitin 2006 ai e surprizoi me lule në orën 5 të mëngjesit në ditëlindjen e saj. Ata u martuan atë vit.

Kanë dy vajza, Sunday Rose dhe Faith Margaret.

Lexo po ashtu Të gjitha lajmet nga Nicole Kidman

Kohët e fundit, Sunday vendosi të ndërmarrë një hap të ri në karrierën e saj në modë dhe vendosi ta thjeshtojë emrin e saj publik. Prandaj, në vend të Sunday Rose Kidman-Urban, prezantohet si Sunday Rose.

Sunday Rose u shfaq për herë të parë në skenën e modës në tetor 2024 në sfilatën e shtëpisë së modës Miu Miu, dhe nëna e saj pranoi se fillimisht ishte e kujdesshme në lidhje me fejesën.
Megjithatë, roli në sfilatën e modës ishte pothuajse i pashmangshëm sepse drejtori krijues ishte i kënaqur me të.

“Miuccia Prada-s i pëlqeu shumë dhe tha se donte ta kishte në shfaqje”, tha Nicole Kidman për The Hollywood Reporter. /Telegrafi/