Pohimet se themeluesi i Facebookut, Mark Zuckerberg, po mendon të garojë për president të SHBA-ve në vitin 2020, do të dukeshin të ‘çuditshme’ deri në ditët e fundit të vitit të kaluar, kur ai kishte postuar një mesazh në Facebook që thoshte: “Gëzuar Krishtlindjen dhe Hanukahn – nga Priscilla, Max, Beast dhe nga unë” (duke ju referuar gruas, vajzës dhe qenit të tyre).
Ky mund t’ju duket si mesazh i rëndomtë urimi nga një CEO, por një komentues ia kishte rikujtuar Zuckerbergut se ai për një kohë të gjatë ishte identifikuar si ateist, transmeton Telegrafi.
Çfarë kishte ndryshuar?
Përgjigja e Markut në atë koment ishte: “Jam rritur si hebre dhe pastaj kam kaluar përmes një periudhe ku i kam vënë shumë gjëra në pikëpyetje. Tash besoj se religjioni është i rëndësishëm”.
Ky qëndrim ishte indikacion se ‘magjistari i teknologjisë’ synon fronin e Shtëpisë së Bardhë.
Për Zuckerbergun do të ishte veprim taktik pranimi i një prej rregullave të arta të politikave amerikane: amerikanët e votojnë për president një ateist! Ky parim është konfirmuar edhe nga një studim i ri i cili thotë se njerëzit (shumica fetare) janë të përgatitur ta mendojnë më të keqen për ateistët, duke besuar se njerëzit pa besim janë më të aftë të kenë sjellje amorale sesa religjiozët!?
Udhëheqësi i këtij studimi, Will Gervais nga Universiteti i Kentuckyt, për prestigjiozen “The Times” thotë se ka qenë i inspiruar ta kryejë këtë hulumtim nga të dhënat që sugjeronin se votuesit amerikanë janë më pak të prirë ta votojnë një ateist sesa ndonjë kandidat të çfarëdo kategorie tjetër – përfshirë personat homoseksualë apo myslimanë.
Gervais thotë se votuesit e konsiderojnë besimin në Zot si gjë thelbësore sa i përket moralit, ndërsa ateistët i shohin si njerëz të cilët janë të gatshëm të bëjnë çfarëdo – përfshirë shkelmimin e këlyshëve, kanibalizmin e lehtë, të bëjnë hile në lojëra etj.
Ekspertët politikë të SHBA-ve kanë punuar gjatë në këtë supozim. Dokumentet e publikuara të Partisë Demokratike tregojnë se aleatët e Hillary Clintonit, në vitin 2016 kishin marrë parasysh një plan që ta etiketonin kundërkanditatin Bernie Sanders si ateist, me bindjen se kjo do t’i kushtonte me humbje të mëdha të pikëve në shtetet ku njerëzit janë religjiozë. Por, Sanders – i cili është hebre – menjëherë kishte deklaruar se nuk ishte ateist!
Kjo do të thotë se asnjë kandidat ateist nuk ka fituar nominimin presidencial, të çfarëdo partie të madhe. Personat morali personal i të cilëve ishte i dyshimtë, kanë nxituar ta konfirmojnë besimin e tyre në Zot. Shembulli më skandaloz për këtë është ‘kryefamiljari’ i tanishëm i Shtëpisë së Bardhë. Pavarësisht se kishte jetuar një jetë dedikuar pasurisë, Donald Trump ishte përkrahur nga votuesit religjiozë, të cilët i kishin pranuar deklarimet e tij të devotshmërisë dhe e kishin parë atë po aq të pranueshëm sa Clintonin – një vizitore e shpeshtë në kishë!
Kjo sugjeron se përderisa amerikanët presin nga politikanët të kenë besim në Zot, ata nuk kërkojnë shumë qëndrueshmëri nga ta! /Telegrafi/
Promo
Reklamo këtuLufta Prigozhin - Putin
Më shumë‘Hakmarrja’ e Izraelit ndaj Iranit - gjithçka që ndodhi në ditën kritike
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Ky është heroi më i ri i Dubait - ai shpëton një familje që kishte ngecur në veturë shkaku i përmbytjeve
Pamjet satelitore tregojnë se nuk ka dëme të mëdha në Isfahan të Iranit
Izraeli e njoftoi në minutën e fundit SHBA-në për sulmin ndaj Iranit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi