Nga: Edison Ypi
Pas pesë vitesh që erdha nga emigracioni ku fitova ca çika lek, vendosa të martohem. Pyet këtu e këtje, ja vura syrin për shoqe të jetës një perrie në katundin tjetër. Fola me babanë e vajzës.
Bëra përgatitjet. Erdhi dita e dasmës. U nisën krushqit për të marrë nusen. Kur arritën mbetën me gojë hapur; gjysëm ore para mbërritjes së krushqëve, nusja ishte zhdukur. Ishte rrëmbyer me dikend që e dashuronte fshehtas prej kohësh.
U llaftarisa. Dasma ime paskish qënë një ëndërr. “Shoqja e jetës” doli tradhëtare. Jeta skëterrë.
Çfarë gabimesh kisha bërë që dasma mu avullua? Ku s’më vajti mendja. Ndoshta duhej të kisha bërë më tepër kujdes me perrinë, ta kisha puthur, përkëdhelur, shoqëruar, sajdisur. Por nuk mund ta zgjasja me teorira. Rrethanat dramatike kërkonin zgjidhje të shpejtë. Mblodha veten. I them babait të tradhëtares; Ç’më bëre o i uruar? Vajzën e desha, dasëm përgatita, ku të mbytem unë tani?
Mos u shqetëso, tha babai i besëprerës. Ajo që iku, iku. Tani, që unë të mos luaj mendsh, dasma jote të mos prishet dhe jeta jote të mos nxihet, propozoj këtë zgjidhje për të dalë nga situata. Kam dy çupa të tjera. Merre për grua njërën prej tyre. Cilën të duash prej të dyjave. Hajt u trashëgofsh.
Mora kokën mes grushtave. Thashë me vete; Ç’thotë ky vjehërr monstër? Le nusja dhe dasma, po jetës time si i bëhet? Problemi duhet parë me seriozitet, me thellësi, me gjakftohtësi. Po ta prish këtë dasëm, mendova, do më ikin dëm përgatitjet, do më duhet të lodhem të gjej një tjetër nuse dhe të bëj një tjetër dasëm. Por mbase gjëndja nuk është aq dramatike.
I them vjehrrit shejtanbudalla; Dëgjo o vjehërr, femrat janë bërë të gjitha njëlloj. Zëre se mu ça goma e makinës në mes të rrugës dhe do ta zëvendësoj. Vish nuse cilën të duash nga dy çupat. Le të vazhdojë dasma ime dhe të kërcasë ahengu që për qime desh u prish.
Ashtu u bë. Mora për grua njërën nga dy çupat e vjehrrit. Një surrat nallane që s’shihet me sy, edhe lugatin e tremb. Kështu mbaroi dasma ime. Kujdes me dasmën tënde.
– Unë nuk do martohem.
– Pse?
– Sepse para dasmës tënde katastrofike preferoj dasmën time inekzistente.
Lufta Prigozhin - Putin
Më shumëParaqitja e tmerrshme e Mbretëreshës së ndjerë flet për fundin e epokës së statujave
INTIME
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Thënie nga Franz Kafka: Zoti t'i jep arrat, por nuk t'i thyen ato!
Edicioni i pestë i Kolonisë Letrare “Muzat e Jezercit”
Titujt në gazetat e Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre