Mirolav Lajçak ka qëndruar të hënën në Serbi, ku është pritur nga presidenti serb, Aleksandar Vuçiq, me të cilin kanë diskutuar për hapat e ardhshëm në normalizimin e marrëdhënieve me Kosovën. Pas Beogradit, të martën Lajçak do të qëndroj edhe në Prishtinë.
Është në muajt e fundit të mandatit të tij.
Kështu, Miroslav Lajcak po bën tentativat e fundit që të përmbushë misionin e tij, normalizimin e raporteve mes Kosovës dhe Serbi.
Me këtë detyrë, të hënën, Lajcak ka qëndruar në Beograd, ku ka takuar Presidentin e Serbisë, Aleksandar Vuçiq.
“Në diskutimin tonë, u fokusuam në perspektivën strategjike për vitin 2024, bëmë një bilanc mbi gjendjen në dialog dhe folëm për hapat e ardhshëm në normalizimin e marrëdhënieve me Kosovën”, tha Miroslav Lajçak.
Përveç këtij shkrimi në llogarinë e tij në platformën “X”, Lajcak nuk ka folur për gazetarët pas takimit.
Rrjetet sociale për informim, i shfrytëzoi edhe Vuçiq, i cili shkroi se ia ka theksuar përsëri përfaqësuesit evropian, rëndësinë e themelimit të Asociacionit, e mbajtjen urgjente të zgjedhjeve lokale në veri.
Megjithatë, këto kërkesa të Vuçiq, analisti serb Dushan Janjiq, thotë se nuk mund t’i plotësoj Lajçak.
“Lajcak dhe Borrell mund të vazhdojnë që në njëfar forme ta luajnë rolin e lehtësuesit, mirëpo në të vërtetë ata nuk janë të tillë. Tani duhet që patjetër grupi i QUINT-it të angazhohet drejtpërdrejt në procesin e normalizimit të raporteve, nëse ata vërtetë duan që ta largojnë problemin serioz, problemin e implementimit të marrëveshjeve”, thotë Dusan Janjic – analist politik.
Për shkak të zgjedhjeve në BE, pesimist për të ardhmen e dialogut këtë vit, është edhe profesori në departamentin e shkencave politike, Dritëro Arifi.
“Bashkimi Evropian nuk po dëshiron që me e gjet një rrugë të mesme mes Kosovës dhe BE-së, që çka do të ndodhë në rast se Kosova e zbaton marrëveshjen. A do të avancohet Kosova, a do të njihet si shtet kandidat, si shtet anëtar i BE-së, pra janë shumë pyetje për të cilat BE-ja nuk ka dhënë përgjigje dhe Kosova në këtë rast mund të jetë viktima, por ne duhet të sillemi në formën që duhet ta kërkojmë një zgjidhje nga BE-ja, jo nga të tjerët”, tha Dritëro Arifi – profesor universitar.
Pas Beogradit, të martën Lajçak do të qëndroj edhe në Prishtinë. Në kryeqytetin kosovar, pritshmëritë janë që Lajçak të takohet vetëm me zëvendëskryeministrin, njëherësh kryenegociatorin Besnik Bislimi.
Diplomatit sllovak, Këshilli i Bashkimit Evropian, ia ka vazhduar mandatin deri në gusht të këtij viti.
Lufta Prigozhin - Putin
Më shumëAksident i rëndë në Suharekë, dy të vdekur
Regjistrimi i diasporës: Çfarë përfiton Kosova?
Një muaj paraburgim ndaj boshnjakut që dyshohet për krime lufte kundër shqiptarëve në Gjakovë
LDK u vendos “vija të kuqe” të gjitha partive politike për koalicione parazgjedhore
Dobësimi i Euros në Shqipëri shtrenjton paketat turistike
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur