Në shtëpinë e ish-kryeministrit Ramush Haradinaj sot mbizotëron festa dhe atmosfera e gëzimit.
Përveç se është një ditë e rëndësishme për vendin, me zhvillimin e zgjedhjeve, kjo e diel ka edhe një arsye tjetër të veçantë për familjen Haradinaj: ditëlindjen e Anitës.
Anita Muçaj-Haradinaj, feston ditëlindjen, dhe bashkëshorti i saj nuk ka munguar ta urojë publikisht me një mesazh plot dashuri.
Ramush Haradinaj/FaceBook
Në një postim në rrjetet sociale, Haradinaj ndau një fotografi të tyre të përbashkët, ku Anita shihet e buzëqeshur dhe duke mbajtur në duar një buqetë me lule.
“Gëzuar ditëlindjen, Anita”, shkroi Ramushi mbi fotografinë, një urim i shkurtër, por plot ndjenjë e përkushtim.
Çifti, që prej shumë vitesh janë ndër më të dashurit në jetën publike shqiptare, shpeshherë shfaqin lidhjen e fortë dhe mbështetjen e ndërsjellë, si në momente të rëndësishme politike, ashtu edhe në ato familjare.
Kësaj here, dashuria e tyre u reflektua edhe njëherë përmes një gjesti të thjeshtë, por plot emocion. /Telegrafi/
