Ndihmës sekretarja amerikane e SHBA-së për Çështje Evropiane dhe Euroziatike Karen Donfrid nga data 25 deri më 29 prill do të qëndrojë në Ballkanin Perëndimor me ç’rast në kuadër të turneut do ta vizitojë edhe Maqedoninë e Veriut.
Siç kumtoi Departamenti i Shtetit, Donfrid në Shkup vjen më 28 prill, ku në takimet me funksionarët e Maqedonisë së Veriut, do të shprehë mbështetje të fuqishme për negociatat e vendit për hyrje në BE dhe do të shprehë falënderim për ndihmën ndaj Ukrainës.
Ajo do t’i bëjë thirrje Maqedonisë së Veriut, si anëtare më e re e NATO-s, që ta vazhdojnë bashkëpunimin e ngushtë për një sërë çështjesh rajonale, të sigurisë dhe të mbrojtjes për promovimin e demokracisë dhe stabilitetit rajonal.
Pjesë e turneut të Donfridit në Ballkanin Perëndimor janë edhe Shqipëria, Bosnja e Hercegovina, Mali i Zi, Serbia dhe Kosova prej ku do ta fillojë vizitën në rajon.
Në Kosovë, siç është paralajmëruar, ajo do t’i shprehë falënderim Kosovës, që u siguroi strehim afganëve dhe ukrainasve dhe do ta nxisë punën e reformave për konsolidim demokratik dhe integrim në institucionet evropiane dhe euroatlantike. Me autoritetet e Kosovës do të bisedojë edhe për perspektivat për avancimin e dialogut me Serbinë për marrëdhëniet me Serbinë për marrëdhëniet e normalizuara me fokus të njohjes reciproke.
Donfridi pastaj më 26 prill do të udhëtojë për në Serbi t’i bëjë thirrje vendit që t’i përshpejtojë reformat që synojnë integrimin evropian dhe ta avancojë stabilitetin dhe prosperitetin evropian. Përfaqësuesja amerikane në Beograd do të bisedojë për mundësitë për diversifikim energjetik dhe lidhjet dypalëshe të sigurisë dhe ekonomisë. Në Beograd ajo do ta përsërisë nevojën që Serbia dhe Kosova sërish të kyçen në dialogun të udhëhequr nga BE-ja.
Në Bosnjë e Hercegovinë (BeH) më 27 prill, Donfrid do t’i inkurajojë funksionarët të vazhdojnë t’i përfshijnë institucionet në të gjitha nivelet e pushtetit dhe do t’i bëjë thirrje BeH-së të arrijë përparim në luftën kundër korrupsionit endemik, për prosperitet më të mirë dhe marrjen e statusit kandidat në BE.
Gjatë vizitës në Shqipëri më 28 prill, Donfrid do të shënojë 100 vjetorin e marrëdhënieve diplomatike amerikano-shqiptare dhe do t’i shprehë falënderim Shqipërisë për përkushtimin e saj ndaj sovranitetit dhe integritetit territorial të Ukrainës.
Donfrid më 29 prill do të udhëtojë për në Mal të Zi ku do ta theksojë mbështetjen e SHBA-së dhe nevojën që të përshpejtohet puna e rrugës euroatlantike të Malit të Zi dhe inkuadrimin në BE. Ndihmës sekretarja amerikane e shtetit do t’i shprehë falënderim Podgoricës që u bashkua ndaj sanksioneve kundër Rusisë në shenjë të mbështetjes së Ukrainës.
Promo
Reklamo këtuLufta Prigozhin - Putin
Më shumëArratiset Enver Sekiraqa, policia ka informuar të gjitha vendkalimet kufitare
Arratisja e Enver Sekiraqes, flet avokatja e tij
Kupchan: Përgatitja për themelimin e Asociacionit, vendim i rëndë për Kosovën
Analistët: Zhvillimet rreth Këshillit të Evropës rrezikojnë të ulin ritmin e integrimit evropian të Kosovës
Nënsekretarja amerikane e Shtetit viziton trupat amerikane të KFOR-it, sheh veriun nga helikopteri
Kryeprokurori special flet për rastin e Enver Sekiraqes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare