Ndeshja e MLS përfundon në kaos pasi katër lojtarë përjashtohen me të kuq në kohën shtesë

Një ndeshje në Mayor League Soccer (MLS) përfundoi në kaos mbrëmjen e së mërkurës, pasi katër lojtarë u larguan nga loja me karton të kuq në fazat e fundit të ndeshjes.

Sporting Kansas City dhe Colorado Rapids të dy patën nga dy lojtarë të përjashtuar në kohën shtesë gjatë ndeshjes së tyre në Children’s Mercy Park.

Me epërsinë e Kansas City 2-1, gjërat u shëmtuan kur lojtarit të Colorados, Auston Trusty, iu dha kartoni i dytë i verdhë për një ndërhyrje të vonuar.

90+1’—Auston Trusty sent off for two yellows
90+6’—Andreu Fontàs sent off
90+6’—Lucas Esteves sent off
90+9’—Dániel Sallói sent off

The ending of Sporting KC vs. Colorado Rapids was wild ? pic.twitter.com/jG6HQ5Jd2a

— B/R Football (@brfootball) May 19, 2022

Disa minuta më vonë, Kansas City gjithashtu u reduktua në dhjetë lojtarë kur Daniel Salloit, i cili kishte shënuar të dy golat për skuadrën e tij më herët në ndeshje – iu dha një karton i dytë i verdhë për goditjen e një kundërshtari.

Goditja e tij shkaktoi një reagim të zemëruar nga mbrojtësi i Colorados, Lucas Esteves, i cili e shtyu Salloin në tokë – duke fituar një karton të kuq direkt.

Ndeshja më pas përfundoi me nëntë kundër nëntë, kur Andreu Fontas i Sportingut u përjashtua me karton të kuq pasi kapi për fyti kundërshtarin pikërisht përpara gjyqtarit Dreë Fischer në minutën e nëntë të kohës shtesë.

Në total, gjyqtari Fischer shpërndau 11 kartonë gjatë ndeshjes së ‘ndyrë’.

Kansas City do të vazhdonte të fitonte 2-1, por do të mbetej në vendin e 13-të në MLS, me Koloradon në vendin e tetë. /Telegrafi/