Deputeti Naser Osmani u deklarua i pafajshëm në gjykim in për keqpërdorim detyre.
Deputeti Naser Osmani që bashkë me 7 persona tjerë po akuzohet në lidhje me privatizimin e fabrikës “Fan” në Podujevë, pasi ishte pjesë e Bordit të Agjencisë Kosovare të Privatizimit, u deklarua i pafajshëm në seancën e sotme.
Osmani edhe njëherë u ankua se pse nuk janë akuzuar të gjithë anëtarët e Bordit të AKP-së.
“Jam deklaruar edhe më herët se pa prezencën e bordit në tërësi nuk deklarohem”, tha Osmani.
Të pafajshëm u deklaruan edhe të akuzuarit tjerë të këtij procesi.
Edhe Besnik Berisha, avokati i deputetit Osmani kritikoi prokurorinë pse nuk akuzoi të tetë anëtarët e Bordit të AKP-së.
“Mjafton ta shohim dispozitivin e aktakuzës në pikën 1 ku në cilësi të të akuzuarit janë vetëm dy anëtarët e bordit, ani pse i njëjti kishte 8 të tillë, sepse pazotësia e Prokurorisë Speciale është konvertuar në padrejtësi për këta dy që janë prezentë para jush”, tha avokati i Osmanit, Besnik Berisha.
Edhe Bahri Shabani, i akuzuari tjetër i këtij procesi, foli fjalë të ngjashme me deputetin Osmani.
“Në qoftë se flasim për një vendim të bordit, nuk deklarohem pa qenë të gjithë prezentë”, tha Shabani.
Pasi të akuzuarit u deklaruan të pafajshëm prokurorja speciale Fikrije Fejzullahu paraqiti fjalën hyrëse.
Së bashku me Naser Osmanin e Bahri Shabanin, të akuzuar janë edhe Agim Deshishku, si blerës i fabrikës, si dhe 5 zyrtarë të Agjencisë Kosovare të Privatizimit (AKP): Melita Ymeraga, Shkëlzen Lluka, Naim Avdiu, Agron Kamberi dhe Adrian Kelmendi.
Sipas aktakuzës Naser Osmani e Bahri Shabani ngarkohen se në bashkëkryerje me persona të tjerë zyrtarë dhe duke shfrytëzuar detyrën zyrtare në Agjencinë Kosovare të Privatizimit, nuk e kanë përmbushur këtë detyrë duke ia mundësuar përfitimin e kundërligjshëm pasuror vetes ose tjetrit, përkatësisht blerësit të ndërmarrjes së re “FAN-Podujevë”, Sh.P.K. të pandehurit Agim Deshishku në vlerën rreth 5.400.000.00 euro.
Blerësi i kësaj fabrike sipas kontratës me AKP-në duhej të bënte investime në të.
Osmani e Shabani akuzohen edhe se si anëtarë të Bordit Drejtues të AKP-së kanë vendosur dhe votuar “për” që investimet e bëra jashtë hapësirave të ndërmarrjes të pranohen si investime brenda saj, duke liruar ndërmarrjen e re “FAN-Podujevë” nga monitorimi i AKP-së dhe kushtet e Marrëveshjes së Zotimeve.
Me këto veprime Prokuroria pretendon se Osmani e Shabani kanë kryer keqpërdorim të pozitës apo autoritetit zyrtar, transmeton kallxo.com.
Edhe Shkëlzen Lluka, Naim Avdiu, Melita Ymeraga, Ardian Kelmendi dhe Agron Kamberi në cilësinë e personave zyrtarë në Agjencinë Kosovare të Privatizimit akuzohen si Osmani e Shabani në lidhje me përfitimin e paligjshëm të vetes ose blerësit të fabrikës.
Lluka e Avdiu akuzohen se nuk ndërmorën masa edhe për zbatimin e kontratës mes AKP-së e blerësit të fabrikës “FAN”.
Melita Ymeraga, Ardian Kelmendi dhe Agron Kamberi ishin përgjegjës për monitorimin e investimeve të blerësit të ndërmarrjes “FAN”, ndërsa ata ngarkohen se “nuk kanë kontrolluar dhe monitoruar investimet e raportuara nga investitori, nuk kanë verifikuar deklarimet për investime, nuk kanë bërë monitorimin fizik të investimeve kapitale, verifikimin e dokumentacionit financiar të investimeve kapitale dhe zotimeve për punësim”.
Agim Deshishku, blerësi i fabrikës “FAN”, akuzohet se mashtroi zyrtarët e AKP-së me paraqitje të rreme ose fshehje të fakteve, duke i shtyrë ata të veprojnë në dëm të pasurisë dhe punëtorëve të kësaj ndërmarrjeje.
Deshishku akuzohet për mashtrim, legalizim të përmbajtjes së rreme dhe shmangie nga tatimi.
Lufta Prigozhin - Putin
Më shumëKadri Veseli e padit për shpifje deputetin e LVV-së
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Mexhiti, Siljanovskës: UÇK-ja është e shenjtë, shqiptarët janë bashkë kur vjen puna te çështja kombëtare
Stano për strukturat paralele: BE në Kosovë mbështet një strukturë të vetme institucionale sipas kornizës së saj ligjore
Flet e dhunuara gjatë lųftës në Kosovë: Nuk kam familje dhe askush nga të afërmit nuk di për rastin tim
Arrestohet i riu nga Klina, dyshohet se abuzoi seksualisht me një fëmijë - videon e publikoi në "TikTok"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri