Një pjesë e deputetëve të Kuvendit të Kosovës kanë vizituar sot Luginën e Preshevës. Deputetja e Vetëvendosjes, Arbërie Nagavci e cila ishte pjesë e kësaj vizite në Bujanoc, Preshevë e Medvegjë, ka thënë se shqiptarët në këtë pjesë gjenden në kushte të jashtëzakonshme.
Nagavci ka pohuar se shqiptarëve në Luginë u mohohet e drejta për arsim bazik cilësor, nuk kanë tekste mësimore në gjuhën shqipe dhe se detyrohen të mësojnë sipas kurrikulave të Serbisë, me të pavërteta historike e faktike, transmeton Telegrafi.
Në shkrimin e bërë në Facebook, deputetja Nagavci ka potencuar se përkrahja për shqiptarët duhet të jetë e njëmend, e planifikuar, e mbështetur financiarisht e me reciprocitet të plotë e jo me deklarata boshe.
Shkrimi i plotë:
“Shqiptarët këtu në Bujanoc, në Preshevë e Medvegjë, gjenden në kushte të jashtëzakonshme. Janë komuniteti që përballen çdo ditë me shkeljen e të drejtave bazike njerëzore. Qytetarët më të nëpërkëmbur në Evropë.
Në kuadër të vizitës sonë këtu, pas shkollës së Topallës, vijuam takimet me Këshillin Kombëtar Shqiptar dhe me Kryetarin e Komunës së Bujanocit.
Problemet e shqiptarëve janë të shumta, ekzistenciale. Përkrahja për ta minimale, e papërfillshme.
U mohohet e drejta për arsim bazik cilësor. S’kanë tekste mësimore në gjuhën shqipe. Detyrohen të mësojnë sipas kurrikulës së Serbisë me të pavërteta historike e faktike.
Marrëveshjet e fushës së arsimit, të nënshkruara në Bruksel, sikurse dhe gjithë marrëveshjet tjera, nuk janë respektuar asnjëherë nga ana e Serbisë.
Të rinjve nuk u njihen diplomat andaj dhe u pamundësohet avancimi akademik dhe punësimi.
Me ligj është paraparë dënimi për përdorimin e simboleve kombëtare dhe shqiptarët që përdorin p.sh flamurin në festat e tyre mund të dënohen deri në 4000 euro.
Shteti serb në mënyrë masive po pasivizon/ fshin vendbanimet e përhershme të qytetarëve shqiptarë, gjë që pamundëson gëzimin e të drejtave të tyre civile e politike.
Papunësia është në rritje, ashtu si dhe emigrimi. Kjo pjesë po boshatiset.
Nga ana tjetër serbët në Kosovë gëzojnë jo vetëm të gjitha të drejtat, por dhe privilegje të shumta.
Përderisa Serbia ka investuar 500 milionë euro në vit për serbët e Kosovës, as Kosova e as Shqipëria s’kanë bërë asgjë as për fondin e përbashkët e as për përmirësimin e situatës së shqiptarëve këtu. Përkrahja për shqiptarët duhet të jetë e njëmend, e planifikuar, e mbështetur financiarisht e me reciprocitet të plotë e jo me deklarata boshe, salloneve larg prej shqiptarëve të Preshevës, Bujanocit dhe Medvegjës”./Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre