Ndonëse janë të akredituar dy laboratorë për kontrollin e cilësisë së naftës, “Sierra Lab” dhe “Exfis La”, cilësinë e naftës në Kosovë po e kontrollon vetëm një laborator. Shoqata e Naftëtarëve të Kosovës po e akuzon Ministrinë e Tregtisë se ka krijuar monopol dhe ka kërkuar nga organet e drejtësisë që ta hetojnë këtë çështje
Naftëtarët po duan që t’u kontrollohet cilësia e naftës më seriozisht e jo si është duke ndodhur aktualisht. Cilësia e derivateve po kontrollohet nga vetëm një laborator i autorizuar, ndonëse në Kosovë janë të akredituar edhe dy laboratorë të tjerë.
Ata nuk janë autorizuar ende nga Ministria e Tregtisë dhe Industrisë që të bëjnë kontrollin e cilësisë. Laboratorët “Sierra Lab” dhe “Exfis La” që nga muaji tetor i këtij viti po presin që të futen në tregun e kontrollit të cilësisë së naftës, ndërkohë këtë punë momentalisht po e kryen vetëm kompania “Kosova Lab”.
Sipas naftëtarëve, operimi në treg i vetëm një laboratori ka krijuar monopol dhe dyshojnë se cilësia është duke u kontrolluar vetëm për tre përlind e totalit të naftës që hyn në Kosovë.
Kryetari i Shoqatës së Naftëtarëve të Kosovës, Fadil Berjani, ka kërkuar nga Prokuroria që të shkojë në MTI dhe të bëjë një hetim detajisht se pse po operojnë vetëm me një laborator.
Por, në MTI kanë thënë se përcaktimi i cilësisë së karburanteve të naftës kontrollohet nga trupat e vlerësimit të konformitetit dhe laboratorit dhe se cilësia është në rregull. Por, Berjani pohon se trupat e konformitetit nuk bëjnë vlerësimin e cilësisë.
“Deri më tani është inskenuar se ka kontroll të cilësisë, në fakt nuk ka kontroll të cilësisë, dikush duhet të japë përgjegjësi pse nuk kontrollohet cilësia në kufi, ku as 3 për qind nuk kontrollohet. Dikujt nuk po i konvenon të ketë rregull në këtë sektor. Trupat inspektuese vetëm bëjnë lexim-përshkrimin e letrave dhe nuk bëjnë analiza laboratorike, pra nuk ka kontroll. Certifikata e Konformitetit është derivat, i cili buron nga Ligji i Konformitetit e jo nga Udhëzimet Administrative. Sistemi, i cili ka shtrirje në MTI, rregullon moskontrollin me Udhëzimet Administrative dhe kemi kërkuar disa herë nga Prokuroria e EULEX-it, si dhe Prokuroria e Shtetit që të fillojnë hetimet që nga licencimet e para të trupave inspektuese dhe të laboratorëve, po ashtu kërkojmë edhe tani”, ka thënë kreu i Shoqatës së Naftëtarëve, i cili është edhe vetë tregtar i naftës.
Ai ka pohuar se ka falsifikime të shumta të certifikatave të konformitetit dhe, sipas tij, manipulimet që bëhen gjatë importit për këtë ka qenë dhe është në dijeni edhe kreu i MTI-së, porse deri më tani nuk ka vepruar për të parandaluar apo për të përmirësuar gjendjen e krijuar. /Zëri/Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Bëhu banor i kryeveprës së Prizrenit - Grand Residence
Hypi kerrit e nisu për n’Grand Blue Fafa këtë vikend
Policia me apel për qytetarët: Kujdes nga mashtrimi përmes investimeve të dyshuara online
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City