Shkodran Mustafi ka vendosur të rikthehet përfundimisht në futbollin italian.

Reklama

Mbrojtësi shqiptar tani e dy muaj është pa skuadër dhe i lirë të nënshkruajë me ndonjërën nga ekipet e interesuara.

Pas largimit nga Schalke, Mustafi duket se do të rikthehet në elitën e futbollit italian, ku tani është në bisedime me Torinon.

Trajneri Juric është në kërkim të një mbrojtësi dhe palët janë shumë afër marrëveshjes.

Torino i ka ofruar Mustafit një kontratë tri vjeçare me shqiptarin që është bindur për tu rikthyer në Serie A, ku më parë ka luajtur për Sampdorian.

Te Torino, mbrojtësi shqiptar do të gjej bashkëkombësit e tij Mërgim Vojvoda, Etrit Berisha e Altin Kryeziu.

Reklama

Interesim për Mustafin kishin shprehur edhe skuadra tjera si Genoa, Celta Vigo, Fiorentina e Levante, por pa gjetur një marrëveshje. /Telegrafi/

Reklama