Muslija: Kemi lënë shumë hapësira, duhet këto gjëra t’i përmirësojmë si ekip

Mesfushori Florent Muslija ka thënë se Kosova luajti mirë ndaj Irlandës së Veriut, por nënvizoi se duhet të përmirësohen si ekip.  

Kosova u mposht nga Irlanda e Veriut me rezultat 2-1 edhe pse ishte duke fituar.

“Na vjen keq që e humbëm lojën në fund. Kemi bërë ndeshje të mirë. Kemi mundur ta fitojmë lojën, por kështu e ka futbolli ndonjëherë. Ne do të vazhdojmë tutje”.

“Nuk patëm mungesë koncentrimi. Shënuam për 1-0 dhe besoj se u lodhëm edhe ne. Në fund kemi lënë shumë hapësira për kundërshtarin. Këto gjëra duhet që ne si ekip t’i përmirësojmë”.

“Pasi shënuam gol kishim sistemin e qëndrimit prapa, në defensivë për ta ruajtur rezultatin, apo ta shënonim edhe golin e dytë”, ka thënë Muslija për Supersport.

Kosova pas kësaj humbje është në vendin e dytë me 6 pikë, një më shumë se Qipro me të cilën ndeshet javën e ardhshme. /Telegrafi/