Gjilani ka arritur të mposhtet në udhëtim te Dukagjini i Klinës me rezultat të pastër 2-0.

Kjo humbje e largon edhe më shumë Gjilanin nga gara për titull të kampionit, pasi tani ndodhet nëntë pikë mbrapa liderit Ballkani.

Pas ndeshjes trajneri Ismet Munishi ka deklaruar se fitorja e Dukagjinit ka qenë me plot meritë, pasi luajtën më mirë vendasit.

“Si klub jemi duke e dhënë një shembull, sot fitorja e Dukagjini është me plot meritë, tentuam, krijuam shumë raste, portieri kundërshtar intervenoi shumë mirë”.

“Pjesën e parë nuk isha i kënaqur me një futbollist, aty ishte i gjithë problemi. Në kësi ndeshje është shumë vështirë të rikthesh rezultatin. Gjithashtu jam shumë i kënaqur me referimin e Genc Nuzës”, tha fillimisht Ismet Munishi për Art Sport.

Dukagjini mposht Gjilanin, bën një hap të madh drejt mbijetesës Dukagjini mposht Gjilanin, bën një hap të madh drejt mbijetesës

Tutje trajneri i Gjilanit tha se gjëra të tjera po ndikojnë tek Gjilani, duke thënë se shpreson që të rregullohet futbolli kosovar.

“Tek ne po ndikojnë psikologjikisht disa faktorë tjerë. Unë besoj që është koha e fundit me rregulluar futbollin, të luajmë futboll të pastër, le të del më i miri në kampion dhe më i miri në Evropë. Unë e dhashë një mesazh që është për të mirë të futbollit në vazhdim”, përfundoi ai.

/Telegrafi/