“Mund të kisha humbur në të gjitha”, Adele thotë se ish-bashkëshorti ia shpëtoi jetën

Adele nuk ka asgjë tjetër përveçse dashuri për ish-bashkëshortin.

Këngëtarja e “Easy on Me” diskutoi sinqerisht marrëdhënien e saj me Simon Konecki gjatë intervistës me Oprah Winfrey të dielën, duke thënë se ajo është jashtëzakonisht mirënjohëse për martesën dhe djalin e tyre, Angelo, pavarësisht përfundimit të saj.

“Mendoj se Simon ndoshta më shpëtoi jetën, të jem e sinqertë me ty”, reflektoi Adele. “Ai erdhi në një moment të tillë, ku stabilitetin që ai dhe Angelo më kanë dhënë mua, askush tjetër nuk do të mund të ma jepte kurrë”.

“Sidomos në atë kohë, unë isha kaq e re dhe thjesht, mendoj se do të kisha humbur në të gjitha këto”, vazhdoi ajo, duke iu referuar rritjes së saj meteorike në famë. “Unë mund të kisha shkuar lehtësisht në disa shtigje të dyshimta, e dini?”.

Lexo po ashtu Adele flet hapur për lidhjen e re: Është hera e parë që e dua veten dhe mund t’i dua edhe të tjerët

Këngëtarja e “I Drink Wine”, 33 vjeçare, tha Konecki, 47 vjeç, i dha asaj stabilitet gjatë një kohe trazirash të jashtëzakonshme.

“Ai hyri dhe ishte i qëndrueshëm. Personi më i qëndrueshëm që kam pasur ndonjëherë në jetën time deri në atë moment. Edhe tani i besoj jetën time”, shtoi ajo.

Edhe pse Adele dhe Konecki janë bashkë-prindër, ajo tha se pjesa më e vështirë e divorcit të tyre ishte se si t’ia sqaronin të birit, i cili në atë kohë ishte vetëm gjashtëvjeçar.

Krijuesja e një sërë hitesh tani po shijon një romancë të re dashurie me Rich Paul. /Telegrafi/

https://www.youtube.com/watch?v=zT1ISTykj5w&ab_channel=TheProject