Jose Mourinho dëshiron të ribashkohet sërish me Alexis Sanchezin në këtë afat kalimtar veror.
Ishte pikërisht trajneri portugez, ai që e transferoi anësori kilian te Manchester United nga Arsenali, mirëpo doli të ishte marrëveshje e dështuar.
Sanchez nuk arriti të tregonte formën e lartë që e kishte te The Gunners, duke u larguar nga Djajtë e Kuq në formë huazimi te Interi.
Tani, 90min raporton se Mourinho dëshiron të transferojë atë te Tottenham Hotspuri, me Unitedin që është i gatshëm ta shesë atë.
Paga e tij e lartë prej 500 mijë eurosh në javë ka bërë që Ole Gunnar Solskjaer dhe bordi drejtues i klubit ta kërkojnë shitjen e tij.
United mund të përfitojnë nga shitja e tij rreth 25 milionë euro, e që as Interi nuk e dëshiron blerjen përfundimtare të kartonit të tij. /Telegrafi/
