Morata mund të refuzojë Juventusin për të qëndruar te Atletico Madridi

Raportet e mediave në Itali pretendojnë se Juventusi ka rihapur negociatat për sulmuesin Alvaro Morata, por ato në Spanjë këmbëngulin se ai është 99 për qind i sigurt për të qëndruar me Atletico Madridin në sezonin 2022/23.

Sulmuesi spanjoll ka përfunduar një huazim prej dy sezonesh në Torino, eksperienca e tij e dytë ndryshe me fanellën e Bianconerëve.

Ai dukej i vendosur për ta bërë atë të përhershëm, por Juve refuzoi të paguante opsionin e rënë dakord prej 35 milionë euro për ta blerë përfundimisht.

Lexo po ashtu Morata ka vetëm dy opsione për të ardhmen e tij

Sipas Calciomercato.com, nën këshillën e trajnerit Massimiliano Allegri, Zonja e Vjetër rifilloi bisedimet me Atletico Madridin për të rikthyer spanjollin në Allianz Juventus Stadium.

Megjithatë, mediumi Diario AS në Spanjë paralajmëron se siç qëndrojnë gjërat, Morata është 99 për qind i sigurt për të qëndruar me Atletico Madridin.

Ai tashmë i regjistroi fëmijët e tij në një shkollë në Madrid dhe u zhvendos në shtëpi, gruaja e tij Alice është në pritje të fëmijës së tyre të katërt dhe Morata ka impresionuar trajnerin Diego Simeone me paraqitjet e tij në para-sezon.

?⚪ Su idea a día de hoy es quedarse en el Atlético a un 99%. Sabe que tendrá competencia pero luchará por su sitio https://t.co/F7XxNLOnH0

— Diario AS (@diarioas) July 16, 2022

29-vjeçari mori vlerësime për shkallën e punës dhe për arritjen në formë perfekte pas pushimeve verore.

Ai shënoi 12 gola dhe dha nëntë asistime në 48 ndeshje konkurruese për Juventusin sezonin e kaluar. /Telegrafi/