Momenti i lëndimit të frikshëm, Garcia u godit nga portieri Ederson dhe mbeti pa ndjenja në fushë

Eric Garcia i Manchester City u largua nga Etihad Stadium me anë të barelës pas një përplasjeje të tmerrshme me bashkëlojtarin e tij, Ederson, në ndeshjen kundër Arsenalit.

City u rikthye te futbollit anglez me një fitore 3-0 ndaj Arsenalit të mërkurën në mbrëmje.

Por, jo gjithçka shkoi mirë për Qytetarët, pasi lojtari i tyre 19-vjeçari, Eric Garcia pësoi një lëndim të tmerrshëm dhe i dha shije të hidhur fitores.

Portieri i Arsenalit, Bernd Leno dërgoi një top të gjatë në pjesën e Cityt, ndërsa Ederson vendosi të kalojë vijën e zonës për të spastruar rrezikun.

Megjithatë, dalja e tij nuk ishte më e mira, pasi ai ishte i pavëmendshëm që Garcia po lëvizte gjithashtu në drejtimin e tij për të larguar topin.

Kjo krijoi një përplasje të tmerrshme, e cila e la mbrojtësin e ri spanjoll pa ndjenja në fushë dhe krijoi panik te dy skuadrat.

Pas lëndimit të lojtari, ndeshja u ndalë rreth shtatë minuta, pasi spanjolli u trajtua në fushë përpara se të largohej.

E gjithë kjo ndodhi në fundin e ndeshjes dhe City u detyrua të luaj pjesën e mbetur të lojës me dhjetë lojtarë, pasi Pep Guardiola kishte kryer pesë zëvendësimet.

Ndryshe, Garcia pati një lojë mbresëlënëse përkrah Aymeric Laporte dhe duket se është një pjesë kryesore e planeve të Pep Guardiola për të ardhmen.

Gjatë kësaj ndeshje të dëmtuar mbeten edhe ylli shqiptar Granit Xhaka dhe bashkëlojtari i tij, Pablo Mari. /Telegrafi/

Eric Garcia faced a terrible knock with Ederson leaving him unconscious on the field. I hope he's okay, wish him speedy recovery.#ManCityARSENAL #PremierLeagueIsBack pic.twitter.com/aM44Iv4smf

— Nirbhay Rawal (@nirbhay_rawal) June 17, 2020

Ederson and Garcia
Worst collision I have seen in football
Man City V Arsenal pic.twitter.com/5kuGzBiM2v

— Matti (@Matti92t) June 17, 2020