Stipe Miocic është kampioni i ri i botës në UFC për pesha të rënda.

Sportisti kroat ka arritur që në finalen e madhe ta mposhtë me nokaut ish-kampionin e botës Daniel Cormier.

36-vjeçari e nokautoi Cormierin në raundin e katërt, edhe pse amerikani në dy raundet e para ishte bindshëm më i mirë.

Ishte raundi i katërt kur kroati Miocic filloi të grushtonte pa ndalë Cormierin që në fund nuk arriti të mbahej dhe ra për ta humbur titullin.

Nate Diaz rikthehet pas tri viteve dhe mposht ish-kampionin Anthony Pettis në UFC 241 Nate Diaz rikthehet pas tri viteve dhe mposht ish-kampionin Anthony Pettis në UFC 241

Për Miocic kjo ishte fitorja e 19 në karrierën e tij derisa ka edhe tri humbje.

Pikërisht një vit më parë, Cormier e mposhti kroatin për t’ia rrëmbyer titullin e kampionit, ndërsa kjo e sotmja ishte një hakmarrje nga Miocic që tani e tutje është kampion bote në peshat e rënda. /Telegrafi/