Ministria e Jashtme e Gjermanisë: Në zgjedhjet në Serbi pati frikësim të votuesve e blerje votash

Të dielën në Serbi janë mbajtur zgjedhjet e jashtëzakonshme, ku partia e presidentit aktual Aleksandar Vuçiq thotë se ka fituar.

Në anën tjetër nga opozita në Serbi thonë se ka patur shumë parregullsi, blerje votash e “tren bullgar”, transmeton Telegrafi.

Madje opozita sot është mbledhur para objektit të komisionit zgjedhor në Beograd, duke kërkuar mospranimin e rezultateve të zgjedhjeve në Beograd.

Shumë prej tyre u futën edhe në grevë urie, duke u zotuar se nuk do të tërhiqen derisa të përmbushen kërkesat e tyre.

E nga ministria e Jashtme e Gjermanisë përmes një postimi në X është bërë e ditur se Serbia ka votuar, por që sipas OSBE-së, ka patur keqpërdorime të burimeve publike.

“Serbia ka votuar, por OSBE raporton keqpërdorim të burimeve publike, frikësim të votuesve dhe raste të blerjes së votave. Kjo është e papranueshme për një vend me status të kandidatit në BE”, thuhet në postimin e ministrisë së Jashtme të Gjermanisë.

Lidhur me zgjedhjet në Serbi ka reaguar edhe ambasadori gjerman në Kosovë, Jorn Rohde i cili ka shpërndarë postimin e ministrisë së Jashtme të Gjermanisë. /Telegrafi/

#Serbia has voted, but @osce_odihr reports misuse of public resources, voter intimidation and cases of vote buying. This is unacceptable for a country with EU candidate status.

— GermanForeignOffice (@GermanyDiplo) December 18, 2023

🚨Just released: See below the German Foreign Office🇩🇪 statement on the Serbian🇷🇸 elections👇🏽 https://t.co/nBaYPiG1eF

— Ambassador Jörn Rohde (@GermanAmbKOS) December 18, 2023