Ministri Brendshëm viziton stacionin policor në veri

Sot në kuadër të agjendës së përbashkët, ministri i Punëve të Brendshme, Flamur Sefaj së bashku me drejtorin e përgjithshëm të Policisë së Kosovës, Shpend Maxhuni, vizituan stacionin policor Veriu në Prishtinë.

Delegacioni u priten në një takim njoftues nga komandanti i stacionit policor dhe stafi menaxhues i këtij stacioni.

Siç njofton Policia e Kosovës, ministri Sefaj dhe drejtori Maxhuni u njoftuan me punën dhe angazhimet e personelit policor të këtij stacioni, në të mirë të sigurisë së qytetarëve të zonës së përgjegjësisë të cilën e mbulon ky stacion policor.

Stacioni policor Veriu në Prishtinë mbulon një zonë të madhe të përgjegjësisë, ku nga të gjitha vlerësimet situata e sigurisë është e qetë dhe stabile.

“Gjatë vizitës në këtë stacion policor pashmangshëm u trajtuan edhe vështirësitë me të cilat ballafaqohen në aspektin logjistik-infrastrukturor, për faktin se objekti dhe hapësira e punës që shfrytëzohet nga personeli policor në këtë stacion nuk i plotëson as kushtet minimale për punë.

Drejtoria e përgjithshme në synimin e zgjidhjes së këtij problemi, disa herë ka adresuar kërkesa tek institucionet relevante të pushtetit lokal dhe qendror, për të definuar pronësinë e stacionit dhe anekseve përcjellëse, por fatkeqësisht për këto kërkesa nuk kemi pranuar asnjë përgjigje pozitive për vite të tëra.

Ministri i MPB-së krahas mirënjohjes dhe falënderimit për punën e zyrtareve policor pran këtij stacioni që e bëjnë në të mirë të qytetarëve, u zotua dhe premtoj se do të ngrisë problemin logjistik-infrastrukturor në të gjitha instancat relevante, me qëllim që PK-së ti ndahet një hapësirë e nevojshme për ndërtim të një objekti policor i cili plotëson kushtet sipas standardeve”, thuhet në njoftim