Milloshoski: Shumica parlamentare nuk i ka dy të tretat e votave për ndryshimet kushtetuese

Deputeti Antonio Milloshoski sot në një deklaratë për media ka përcjellë qëndrimin e shprehur nga OBRM-PDUKM në takimin në Kuvend me ministrat nga trojka e Vajmarit, të cilët janë në vizitë në vend. Milloshoski përsëriti se nuk do të mbështesin ndryshimet kushtetuese, se shumica në pushtet nuk ka dy të tretat për të realizuar atë që ka premtuar.

“Shumica parlamentare, sipas asaj që u tha në takimin me ministrat, është plotësisht e vetëdijshme se nuk kanë dy të tretat për të dhënë atë që vetë, pa konsensus kombëtar, e kanë pranuar me sy të lirë si detyrim për ndryshimet e imponuara kushtetuese në kërkesë e Bullgarisë. Dhe së dyti, ajo që u tha në emër të grupit parlamentar të OBRM-PDUKM-së dhe Koalicionit për Rindërtim të Maqedonisë, ishte “po” për BE-në, por jo për shantazh nga Bullgaria, e cila nuk ofron asnjë siguri se procesi i integrimeve evropiane nuk do të bllokohet sërish për shkak të çështjeve irracionale që sigurisht që Bullgaria i ka ende ndaj Maqedonisë”, tha Milloshoski.

Milloshoski është i vendosur se nëse ka vullnet politik, siç ka pasur vullnet politik për Slloveninë dhe Kroacinë, vendet kanë pasur një problem real bilateral.

“Kjo me Bullgarinë, për mendimin tim është irracionale, atëherë me ndihmën e Gjermanisë dhe Francës, Sllovenia dhe Kroacia u pajtuan që kompromisi të jetë i zbatueshëm në momentin kur Kroacia të bëhet anëtare e BE-së, dhe në këtë mënyrë Sllovenia do të jetë e motivuar të mbështes anëtarësimin në vend që ta bllokojë, ndërsa Kroacia do të jetë e motivuar që ta zbatojë kompromisin për tu bërë anëtare e BE”, tha Milloshoski./Telegrafi/