Golashënuesi më i mirë në Kosovë po shpreson që ta nxjerrë fletëlëshimin nga Istogu për ta kompletuar transferimin te Besa, nëpërmjet intervenimit të zyrtarëve të Komunës së Pejës, e cila udhëhiqet nga e njëjta parti që e menaxhon Komunën e Istogut, LDK.
“Ende nuk e kam marr flet-lëshimin. Shkumbin Gashi, nënkryetari i Komunës së Pejës, i cili është në kryesi të klubit, po merret me këtë punë. Gashi është sponsor i klubit tonë. Po shpresoj se kjo punë do të kryhet”, deklaroi për “Zërin” Milicaj, të cilin Istogu insiston se nuk do ta lirojë pa marr dëmshpërblim. Milicaj ishte thuajse lojtari kryesor i Istogut.
