Milani vazhdon shkëlqimin triumfon lehtësisht ndaj Sparta Pragës

Milan ka vazhduar ecurinë fantastike të ndeshjeve pa humbje, teksa ka mposhtur Spartën e Pragës me rezultat bindës 3-0.

Rossonerët dominuan nga fillimi i ndeshjes deri në fundin e saj, në një takim ku trajneri Pioli i kishte dhënë hapësira edhe disa lojtarëve të rinj.

E për ta parë golin e parë në këtë sfidë u desh të pritej minuta e 24-të.

Zlatan Ibrahimovic asistoi për mrekulli për Brahim Diaz i cili pasi shmangi një mbrojtës kundërshtar realizoi gol për 1-0.

Suedezi fitoi një penallti 12 minuta më vonë, por që goditja e tij nga pika e bardhë shkoi mbi portë.

Kësisoj me epërsinë minimale 1-0 për Milanin përfunduan 45 minutat e para të kësaj ndeshje.

Rossonerët e nisën për mrekulli edhe pjesën e dytë, kur në minutën e 57-të Rafael Leao pas një asistime perfekt nga Dalot shënoi për 2-0.

10 minuta më vonë, mbrojtësi brazilian Diogo Dalot pranoi një top të bukur nga Benacer dhe shënoi për rezultatin 3-0.

Kësisoj Rossonerët morën një fitore të rëndësishme për të vazhduar të parët në Grupin H.

Aktualisht Milan kryeson në këtë grup me gjashtë pikë, ndërsa Lille është në vendin e dytë me katër pikë e Celtic me tri pikë. Klubi çek mbetet në vendin e fundit pa asnjë pikë.

Ndeshjen e radhës Milan do ta zhvilloj përsëri në San Siro, ku do të jetë nikoqir i Lille.

Në anën tjetër Sparta Praga do të luaj në udhëtim te Celtic. /Telegrafi/

Brahim Diaz absolute class! Makes the tackle for possession , runs over for the assist from Zlatan! BEAUT pic.twitter.com/XYqG111DHN

— ً (@luisHotspur) October 29, 2020

Dalot assist to Rafael Leao pic.twitter.com/YLlvEz7JoR

— 🇨🇩🇸🇱 (@F1avs) October 29, 2020

Dalot goal, amazing pass from Bennacer
pic.twitter.com/7pzrSTzvyB

— 🇨🇩🇸🇱 (@F1avs) October 29, 2020