Lideri i OBRM-PDUKM-së, Hristijan Mickoski, në një emision televiziv ka akuzuar kryeparlamentarin, Talat Xhaferi, se po e vendos veten mbi të gjitha organet gjyqësore të Maqedonisë së Veriut.

“Talat Xhaferi e vendosi veten mbi të gjitha gjykatat në Maqedoni. Ai tani është gjyqtari mbi të gjitha gjykatat sepse e vendosi veten mbi Gjykatën Kushtetuese, mbi gjyqtarët kushtetues dhe kompetencat e tyre dhe vendosi se referendumi ishte kundër Kushtetutës”, ka deklaruar Mickoski.

Lideri i OBRM-PDUKM-së ka shtuar se Xhaferi ka përvetësuar të gjithë rendin juridiko-kushtetues në vend.

“Ai definitivisht e pushtoi, privatizoi rendin juridik dhe kushtetues në Maqedoni dhe dha aktgjykime. Ata nuk e kuptojnë se ai ka bërë dëm të përhershëm, sepse ajo që ka bërë mund të përdoret nga brezi i ardhshëm si rregull, sepse përjashtimi nëse bëhet një herë bëhet rregull dhe të gjithë do t’i referohen atij rregulli”, ka nënvizuar Mickoski.

Reklama
Reklama

Për shkak pezullimit të rendit juridik dhe kushtetues të Maqedonisë, nga ana e Xhaferit, Mickoski edhe njëherë ka kërkuar që koalicioni qeveritar duhet të largohet, sipas tij për hir të Maqedonisë.