LAJMI I FUNDIT:

Meta: Serbia të ndalojë fushatat kundër integrimit të Kosovës në nismat rajonale dhe ndërkombëtare

Meta: Serbia të ndalojë fushatat kundër integrimit të Kosovës në nismat rajonale dhe ndërkombëtare

Presidenti i Shqipërisë, Ilir Meta i ka bërë thirrje Serbisë të ndalojë fushatat kundër integrimit të Kosovës në nismat rajonale dhe në institucionet ndërkombëtare.

Kreu i shtetit shqiptar këtë apel e ka bërë gjatë një interviste për televizionin boshnjak “O Kanal”.

Ndërsa, për taksën e Kosovës ndaj Serbisë, Meta tha se shpreson që Kosova të shqyrtojë sa më shpejt që të jetë e mundur mundësinë e përmirësimit të tregtisë dhe marrëdhënieve të përgjithshme me Bosnjën e Hercegovinën dhe me Serbinë.

Meta komentoi edhe Mini-Shengenin ballkanik, duke u shprehur se çdo platformë rajonale bashkëpunimi është e mirëpritur.

“Serbia duhet të ndalojë këtë fushatë kundër integrimit të Kosovës në nismat rajonale ose institucionet ndërkombëtare. Siç është edhe për shembull anëtarësimi në Interpol. Të gjithë në rajon janë të vetëdijshëm se krimi i organizuar është një nga problemet kryesore në të gjitha vendet tona dhe anëtarësimi i Kosovës në Interpol ndihmon bashkëpunimin, jo vetëm të Kosovës me Interpolin, por për të gjithë rajonin është një kontribut për të luftuar krimin e organizuar nga ky rajon. Nuk e kuptoj pse Serbia do të merrte një pozicion të tillë, sipas meje, jo shumë të arsyeshëm dhe aspak konstruktive”, ka thënë Meta.

Ai ka komentuar edhe marrëdhëniet ndërmjet Kosovës dhe Bosnjës e Hercegovinës, duke thënë se ka vështirësi por që duhet kaluar me maturi.

“Ne e dimë që ka disa vështirësi, por ne shpresojmë dhe lutemi që këto vështirësi do të tejkalohen me maturinë e liderëve të vendit tuaj, sepse ka vetëm një rrugë për të gjithë qytetarët e Bosnjës, që të lihet pas një herë e mirë e shkuara e hidhur dhe kjo është bashkëjetesa dhe harmonia midis të gjithë atyre që jetojnë në Bosnjë-Hercegovinë, integrimi europian, dhe gjithashtu të pasurit marrëdhënie të shkëlqyera me të gjitha vendet tuaja fqinje si Serbia, Kroacia dhe Mali i Zi”, ka shtuar ai. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori