Mësohet sa ndeshje do të mungojë Nacho pas kartonit të kuq

Real Madrid ka një krizë në qendër të mbrojtjes për momentin. Eder Militao dhe David Alaba janë të dy të lënduar, ndërsa Nacho Fernandez u përjashtua nga fusha në sekondat e fundit të fitores mbresëlënëse 3-0 të shtunën ndaj Gironas.

Nacho mori një karton të kuq për një ndërhyrje të rrezikshme ndaj Portu, të cilin ai së bashku me Carlo Ancelottin dhe Florentino Perez e telefonuan pas ndeshjes dhe i kërkuan falje.

Fillmisht mendohej se ai do të humbiste vetëm ndeshjen e fundjavës së ardhshme kundër Osasunas, megjithëse tani do të humbasë edhe disa ndeshje tjera pasi iu dha një dënim i fortë nga Komiteti i Garave.

Siç raporton mediumi spanjoll “Marca”, Nacho është pezulluar me tre ndeshje, gjë që do ta bëjë atë gjitë humbasë ndeshjet kundër Sevillas (udhëtim) dhe El Clasicon e parë të sezonit në stadiumin olimpik në “Montjuic”, që është një goditje e madhe për trajnerin e Real Madridit, Carlo Ancelotti.

Lexo po ashtu Real Madrid i përgjigjet akuzave për ryshfet

Lajmi i mirë për Real Madridin është se Alaba pritet të rikuperohet deri më 28 tetor atëherë edhe kur zhvillohet El Clasico.

Gjithsesi, Nacho do të kishte qenë një anëtar i vlefshëm i skuadrës për atë ndeshje, në të cilën tani do të mungojë. /Telegrafi/