Në Itali ishin të sigurt se Berat Gjimshiti do të startonte ndaj Valencias në ndeshjen e eliminimit direkt në Ligën e Kampionëve.

Ai sot kishte ditëlindjen, por jo për dhuratë, por për paraqitjet fenomenale që ka bërë këtë edicion në këtë garë.

Gian Piero Gasperini beson te mbrojtësi shqiptar, por pak minuta para fillimit të ndeshjes ka ardhur lajmi i keq për Gjimshitin.

Gjatë nxehjes para ndeshjes Gjimshiti pësoi një lëndim që doli të jetë jo i lehtë dhe që ia mohoi zbritjen në fushë.

Mbrojtësi shqiptar kaloi nën kujdesin e mjekëve, ndërsa në vend të tij u fut nga minuta e parë Mattia Caldara.

Kjo ishte edhe arsyeja se përse të gjithë u habitën kur nuk e panë Gjimshitin nga minuta e parë dhe as në bankë në fitoren 4-1 të Atalantas ndaj Valencias. /Telegrafi/