Senatori John McCain, i cili vdiq të shtunën nga kanceri i trurit, shkroi një mesazh lamtumire para se të vdiste.

Mesazhi, i drejtuar për Amerikën dhe popullin e saj, siç shkruajnë mediat e huaja, përcjell Telegrafi, u lexua në publik të hënën nga Rick Davis, një mik i ngushtë i McCain dhe menaxher i fushatës kombëtare të fushatave presidenciale të 2008 dhe 2000 të republikanëve të Arizonës.

Duke folur për kualitetet më të mira të vendit, McCain shkroi se “ne e dobësojmë madhështinë tonë kur e ngatërrojmë patriotizmin tonë me rivalitetet fisnore që kanë mbjellë fyerje, urrejtje dhe dhunë në të gjitha anët e globit”.

Reklama
U qëllua, pastaj u kap dhe u burgos: Historia rrëqethëse dhe pamje të rralla në të cilat shihet John McCain, si një i burgosur lufte në Vietnam (Foto/Video) U qëllua, pastaj u kap dhe u burgos: Historia rrëqethëse dhe pamje të rralla në të cilat shihet John McCain, si një i burgosur lufte në Vietnam (Foto/Video)

“Ne e dobësojmë atë kur fshihemi prapa mureve, në vend që t’i rrëzojmë, kur dyshojmë në fuqinë e idealeve tona në vend se të besojmë që ato janë forca e madhe për ndryshimin – ashtu siç kanë qenë gjithmonë”, tha Davis, duke mbajtur lotët, duke thënë se po lexon mesazhin e McCain-it.

Reklama

“Mos e humbni shpresën nga vështirësitë e tanishme, por besoni gjithmonë në premtimin dhe madhështinë e Amerikës, sepse këtu nuk ka asgjë të pashmangshme”.

“Amerikanët kurrë nuk hoqën dorë, kurrë nuk u dorëzuam. Nuk fshihemi kurrë nga historia. Ne bëjmë historinë”.

Mesazhi, i cili Davis e përshkroi si “fjalët përfundimtare” të McCainit, nuk e përmendi Trumpin me emër, por u duk e qartë se kë kishin për qëllim atë, në disa nga vërejtjet që ai bëri.

Reklama

“Ne jemi 325 milionë individë me mendje, të zhurmshëm. Ne kundërshtohemi dhe konkurrojmë dhe nganjëherë fyejmë njëri-tjetrin në debatet tona të ashpra publike, por ne kemi pasur gjithnjë kaq shumë gjëra të përbashkëta me njëri-tjetrin se sa mosmarrëveshje”, shtoi McCain në deklaratë.

Në deklaratën e tij përfundimtare, McCain gjithashtu ofroi mirënjohjen e tij për popullin e Amerikës, zgjedhësit e tij në Arizona, familjen e tij dhe “për Amerikën”.

Reklama

“Të lidhemi me kauzat e Amerikës – liria, drejtësia e barabartë, respekti për dinjitetin e të gjithë njerëzve – e sjell lumturinë më sublime se kënaqësitë e kaluara të jetës”.

“Identitetet tona dhe ndjenja e vlerës nuk kufizohen, por zgjerohen duke u shërbyer kauzave më të mëdha se ne”.

Reklama

“Jetova dhe vdiqa si një amerikan krenar”, kanë qenë disa nga fjalët e McCain në “mesazhin e tij të fundit për amerikanët”.

Senatori John McCain, i cili shërbeu gjashtë mandate radhazi në Senatin amerikan dhe kandidoi dy herë për president vdiq të shtunën në moshën 81 vjeçare, pas një beteje të gjatë me kancerin në tru.

Në vitin 1967 McCain u burgos dhe u torturua pasi u kap rob në Vietnamin e Veriut kur ishte pilot i marinës amerikane.

Reklama

Në sytë e shumë amerikanëve McCain ishte një hero lufte dhe një patriot.

Ai përfaqësoi shtetin e Arizonës në Senat dhe u bë i njohur si një luftëtar i së drejtës, pa marrë parasysh se cilin krah politik përfaqësonte ajo.

Reklama

John McCain u zgjodh në Dhomën e Përfaqësuesve në vitin 1982 dhe në Senat në 1986.

Ai ishte një politikan konservator në shumicën e çështjeve dhe u përpoq sidomos për reformën e financimit të fushatave dhe për çështjen e amerikanëve që rezultonin të zhdukur në Vietnam.

Rrëfimi i kosovarit që shkoi ta shpëtonte McCain në Vietnam (Video) Rrëfimi i kosovarit që shkoi ta shpëtonte McCain në Vietnam (Video)

Në zgjedhjet presidenciale të vitit 2008 ai u përball me kandidatin demokrat Barak Obama dhe humbi.
Megjithatë ai vazhdoi të shërbejë në senatin amerikan.

Zoti McCain tregoi mjaft interesim për çështjet e Ballkanit dhe e ka vizituar disa herë rajonin.

Reklama

Në prill 2017, gjatë një vizite në Kosovë, ai kujtoi përpjekjet e bëra në rrugën e Kosovës për të arritur tek pavarësia.

Reklama

Muajt e fundit të jetës McCain i kaloi larg syve të publikut në shtetin e Arizonës, duke pranuar vizita nga miqtë e shumtë dhe politikanët e afërt me të.

Ai vuante nga glioblastoma, një lloj kanceri i trurit.

Në kujtimet e tij të botuara në muajin maj, McCain shkruante se i vinte keq që po ndahej nga bota, por nuk kishte ankesa.

“Krijova një vend të vogël për veten në tregimin e Amerikës dhe në historinë e kohëve të mia”,shkruante ai.

Muajt e fundit, ai ka qenë një kritik i ashpër i Presidentit Trump për çështje të ndryshme.

Reklama

Ai thoshte se e shihte Presidentin Trump dhe ideologjinë e tij Amerika e Para si një largim nga vlerat dhe tradita e udhëheqjes globale që ai mendonte se mishërojnë Shtetet e Bashkuara. /Telegrafi/

Reklama