Mercedes ngacmon me një imazh të EQE SUV para debutimit

Debutimi i shumëpritur i Mercedes EQE SUV po ndodh këtë të diel, më 16 tetor.

Me të gjitha fotot ngacmuese që kemi pasur deri tani, të gjitha imazhet të kapura, ka mbetur shumë pak surprizë nga Mercedesi, por gjithsesi do të jetë një ngjarje që ia vlen të shikohet.

Mercedes po përgatitet të mbajë një shfaqje mjaft të mirë këtë diel. E gjithë familja EQ do të ekspozohet në kopshtet e “Musee Rodin” në Paris, Francë. Do të ketë edhe prototipa dhe makina konceptuale, për të treguar të ardhmen e motorizmit elektrik nga Mercedes, AMG po i bashkohet gjithashtu shfaqjes, me krijimet e veta. Ky event dyditor nuk duhet humbur.

Imazhi i fundit ngacmues tregon pjesën e përparme të EQE SUV në lavdinë e tij të plotë, Mercedes u përpoq ta errësonte pak.

Nuk ka fare surpriza, pikërisht atë që bota pret nga ndoshta SUV-i elektrik më i popullarizuar në të ardhmen me një yll me tre cepa. Ne presim të njëjtat motorë që njohim tashmë nga EQE, pasi që të dyja makinat ndajnë arkitekturën dhe të gjithë komponentët mekanikë.

Versioni më i fuqishëm ka shumë të ngjarë të jetë SUV AMG EQE 53 me sistemin AWD me dy motorë dhe 677 kuaj fuqi (506 kW), ky opsion do të jetë gjithashtu më i shtrenjti. Pak më i përballueshëm do të jetë SUV AMG EQE 43 me dy motorë përsëri, por me fuqi pak më pak në 469 kuaj fuqi (350 kW). /Telegrafi/